U Biełaruś z Rasii sprabavali ŭvieźci bolš za tonu biŭniaŭ mamantaŭ
U Kraśninskim rajonnym sudzie Smalenskaj vobłaści rychtujecca da razhladu kryminalnaja sprava ab ekzatyčnaj partyi kantrabandy, jakuju vieźli ŭ Biełaruś, pišuć «Mocnyja naviny».
U listapadzie 2022 hoda smalenskija mytniki zrabili spravazdaču ab zatrymańni ŭ pamiežžy hruzavika sa zbornym hruzam. Siarod ofisnaha abstalavańnia, zapčastak, elektrapryboraŭ, kardona i ŭpakovak dla fastfudu byli znojdzienyja try draŭlanyja skryni ź biŭniami mamantaŭ.
Usiaho ŭ hetych skryniach było 97 razcoŭ pamieram ad paŭmietra da mietra. Ahulnaja vaha pieravyšała tonu, a košt biŭniaŭ acanili ŭ 16 miljonaŭ rasijskich rubloŭ (amal 200 tysiač dalaraŭ).
Jak paviedamlaje pres-słužba Hienieralnaj prakuratury Rasii, abvinavačvańnie vystavili biznesmienu Dźmitryju Sasinoŭskamu. Jamu pahražaje pazbaŭleńnie voli da 7 hadoŭ z bujnym štrafam za kantrabandu kulturnych kaštoŭnaściaŭ u bujnym pamiery i zamach na złačynstva.
U čym pryčyna takoha praciahłaha śledstva, nie paviedamlajecca. U sud kryminalnuju spravu nakiravali tolki ŭ pačatku listapada 2025 hoda, a pieršaje pasiadžeńnie pryznačanaje na 25‑ie čysło.
Całkam vierahodna, što ŭ hetaj historyi byŭ praciah, ale ŭžo na našaj terytoryi. Možna mierkavać, što naša kraina vykarystoŭvałasia dla tranzitu staražytnaściaŭ.
Paćvierdzili hetuju hipotezu biełaruskija siłaviki praz 7 miesiacaŭ paśla zatrymańnia tony biŭniaŭ na Smalenščynie. U kancy maja 2023 hoda ŭ Minsku zatrymali ŭdzielnikaŭ transhraničnaj złačynnaj hrupy, jakaja, prykryvajučysia lehalnymi firmami, arhanizoŭvała pastaŭki biŭniaŭ ź Jakucii, a potym pradavała ich u krainy Jeŭropy, ZŠA i Paŭdniova-Uschodniaj Azii.
«Na momant zatrymańnia złamyśniki rychtavali da adpraŭki ŭ Litvu čarhovuju partyju biŭniaŭ mamantaŭ i ich frahmientaŭ ahulnaj vahoj 3,5 tony. Ich košt na cieniavym rynku składaje kala 1,8 miljona dalaraŭ», — paviedamlali tady pres-słužby biełaruskich viedamstvaŭ.
Ab prysudzie pa «spravie mamantaŭ» nie paviedamlałasia.
Znojdzieny pad Viciebskam bivień mamanta mahło prynieści tudy tałymi vodami
Polskija mytniki znajšli ŭ mašynie niemca, jaki jechaŭ ź Biełarusi, biŭni mamanta
Navukoŭcy abjavili pra prahres u adradžeńni mamanta. Ale navošta jaho adradžać?
Što budzie z čerapam mamanta, jaki znajšli ŭ race Biesiadź
U Biełarusi zatrymali kantrabandystaŭ ź biŭniami mamantaŭ
Z Rasii ŭ Biełaruś nie puścili mašynu z 60 miachami biŭniaŭ mamanta
Kamientary