23‑гадовы рэпер з Астраўца загінуў за Расію на вайне. Паваяваў ён, відаць, каля месяца
Герман Матыевіч працаваў ахоўнікам, любіў анімэ, камп'ютарныя гульні і падарожжы. Але ўвесну 2025 года ён пакінуў спакойнае жыццё і паехаў на фронт у складзе расійскіх войскаў.
Герман Матыевіч нарадзіўся ў Смаргоні ў 2002 годзе, але пасля сям'я пераехала ў Астравец. Мяркуючы па звестках у сацсетках, хлопец скончыў Маладзечненскі дзяржаўны каледж.
У падлеткавым узросце спрабаваў рабіць музыку пад псеўданімам «Герман Громаў» і захапіўся рэп-культурай. Герман шмат каментаваў у рэперскіх суполках і рэпосціў новыя рэлізы.
Вольны час малады чалавек бавіў у анлайн-шутэры Standoff 2. Ён пісаў у чатах, што гуляе з 2018 года і гатовы «шмат данаціць» на гульню. У перапісках Матыевіч часта быў агрэсіўным, не саромеўся ў выразах і абразах. Незадоўга да смерці пакідаў спачувальныя каментары пад пастамі пра смерць расійскіх салдат.
Герман працаваў ахоўнікам у прыватным ахоўным прадпрыемстве ў Маскве, якое хваліў за тое, што там «можна зарабіць, нічога не робячы». Але ў сакавіку ці красавіку 2025 года вырашыў перайсці з віртуальных войнаў на рэальную і пайшоў дабраахвотнікам на баку Расіі. Апошні раз ён з'яўляўся ў сетцы 18 красавіка 2025 года, перад гэтым выклаўшы некалькі фота, дзе ён пазіруе са зброяй.
З суполкі «Не чакай мяне з Украіны» стала вядома, што беларус загінуў (паведамленне пра яго смерць з'явілася ў лістападзе 2025 года).
«Наша Нiва» — бастыён беларушчыны
ПАДТРЫМАЦЬЦяпер чытаюць
Дрон прыляцеў у пасажырскі аўтобус на мяжы Расіі і Беларусі6
Дрон прыляцеў у пасажырскі аўтобус на мяжы Расіі і Беларусі
«У мяне толькі адна мара — вярнуць свайго Дзімку». Маці былога палітвязня Дзмітрыя Гопты расказвае пра новую бяду сына. І просіць замаўляць у яе больш тортаў, каб справіцца44
Каментары