Kamunist z Homiela zapisaŭsia dobraachvotnikam na vajnu na baku Rasii. I zahinuŭ
Siarhiej Skačkoŭ zahinuŭ jašče ŭ vieraśni 2024 hoda, ale pra jahonuju śmierć stała viadoma tolki ciapier. Heta była jahonaja treciaja vajna — jon paśpieŭ pavajavać na baku Rasii ŭ Prydniastroŭi i na Danbasie ŭ 2014 hodzie. Pra jahonuju śmierć raskazali stalinisty z supolnaści «Ahulnaja sprava».
Siarhieju Skačkovu ciapier było b 55 hadoŭ. Jon rodam z Homiela. Skončyŭ Homielski dziaržaŭny darožna-budaŭničy technikum u 1989 hodzie.
Paśla hetaha jaho pryzvali ŭ armiju. Skačkoŭ adsłužyŭ u vajskovaj čaści 40771 vajenna-marskoha fłotu SSSR. Pa źviestkach jahonych paplečnikaŭ sa stalinisckaj hrupy «Ahulnaja sprava», u 1992 hodzie jon viartaŭsia dadomu sa słužby. Ale paznajomiŭsia z kazachami, jakija jechali ŭ Prydniastroŭje, i dałučyŭsia da ich, kab vajavać «suprać rumynskich nacyjanalistaŭ». Atrymaŭ ranieńnie i viarnuŭsia dadomu.
Da adjezda ŭ Rasiju ŭ 2013 hodzie Skačkoŭ pracavaŭ u arhanizacyi «Homielprambud» mašynistam eskavatara. Paśla pajechaŭ pracavać pa hetaj ža śpiecyjalnaści ŭ Rasii.
U 2014 hodzie pajechaŭ vajavać na baku Rasii ŭ tak zvanuju «DNR». Słužyŭ u «1-j asobnaj hvardziejskaj motastrałkovaj bryhadzie», stvoranaj Strałkovym-Hirkinym u Słaviansku. Kiravaŭ minamiotnym raźlikam.
Atrymaŭ kantuziju ŭ 2015-m hodzie, spačatku byŭ u špitali, a paśla viarnuŭsia ŭ Maskvu.
Admietna, što na staronkach Skačkova nie ŭzdymajecca sacyjalnych temaŭ, niama krytyki palityki ŭ Biełarusi ci Rasii abo niejkich kamunistyčnych publikacyj, choć viadoma, što sam siabie jon ličyŭ kamunistam.
Uvieś jahony kantent składajecca z fota sa zbrojaj, publikacyj pra «hierojaŭ SVA» i radaści ad śmierci ŭkrainskich vajskoŭcaŭ.
Viadoma, što ŭ 2022-m hodzie Skačkoŭ vyrašyŭ viarnucca na vajnu, bo daviedaŭsia, što «ŭ jahonaj minamiotnaj batarei nikoha nie zastałosia».
Zahinuŭ jon u vieraśni 2024 hoda pry niavyśvietlenych abstavinach va ŭzroście 54 hadoŭ. U jaho zastałasia siamja ź niepaŭnaletnimi dziećmi.
«Naša Niva» — bastyjon biełaruščyny
PADTRYMAĆCiapier čytajuć
Łukašenka: Chutka 4 miljony pracoŭnych sahnucca, na karački stanuć, i my nie zmožam im narmalny zarobak płacić30
Kamientary