Hiermanija nie atrymała miesca ŭ Radzie biaśpieki AAN. Za parazaj u hałasavańni moža stajać Rasija
Učorašniaje hałasavańnie na Hienieralnaj asamblei AAN u Ńju-Jorku abiarnułasia pravałam dla ŭrada Hiermanii: kraina nie zmahła atrymać miesca niepastajannaha člena Rady biaśpieki na 2027 i 2028 hady, sastupiŭšy Aŭstryi i Partuhalii. Rašeńnie było pryniata ŭ chodzie tajemnaha hałasavańnia, piša Bild.
Akramia pastajannych členaŭ Rady biaśpieki — Kitaja, Francyi, Vialikabrytanii, Rasii i ZŠA — u skład orhana ŭvachodziać jašče dziesiać dziaržaŭ, jakija abirajucca na dvuchhadovy termin.
Paraza ŭ AAN, jak śćviardžajecca, stała ciažkim udaram dla Frydrycha Mierca, jaki ŭ pačatku svajho kanclerstva abviaściŭ pra viartańnie Hiermanii «na jeŭrapiejskuju i mižnarodnuju arenu».
Na fonie prajhranaha Hiermanijaj hałasavańnia ŭ krainie ŭžo hučać zakliki skaracić niamieckaje finansavańnie AAN.
«U vyniku adna z najbujniejšych ekanomik śvietu nie budzie ŭdzielničać u abmierkavańni važnych rašeńniaŭ. Akramia taho, my źjaŭlajemsia adnym z najbujniejšych donaraŭ AAN. Kali ŭ budučyni my nie budziem mieć tam taho ŭpłyvu, jaki nam naležyć, uźnikaje pytańnie: navošta tady nam praciahvać układvać stolki hrošaj u AAN?», — zajaviŭ ministr pa mižnarodnych spravach ziamli Hiesen Manfred Pienc.
Ciapier Hiermanija — druhi pa vieličyni donar AAN u śviecie paśla ZŠA. U 2024 hodzie Bierlin vydzieliŭ na padtrymku mižnarodnaj arhanizacyi 4,4 młrd jeŭra.
Taksama ŭ Bierlinie zajaŭlajuć, što za parazaj Hiermanii ŭ hałasavańni moža stajać Rasija.
Maskva aktyŭna ahitavała mnohija krainy Paŭdniovaha paŭšarja hałasavać suprać kandydatury Hiermanii, paviedamiła Reuters sa spasyłkaj na niamieckich dypłamataŭ.
Pa słovach kiraŭnika niamieckaha MZS Johana Vadefula, Rasija vystupała suprać Hiermanii z-za aściaroh, što niamieckija pradstaŭniki pačnuć prasoŭvać vajnu va Ukrainie na pieršaje miesca ŭ paradku dnia. Kreml chacieŭ praduchilić takoje raźvićcio padziej.
Na vynik hałasavańnia na Hienieralnaj Asamblei paŭpłyvała i pazicyja samoj Hiermanii. U pryvatnaści, strymanaja pazicyja Bierlina adnosna sprečnaj z punktu hledžańnia mižnarodnaha prava apieracyi ZŠA ŭ Vieniesuele była ŭspryniata ŭ Łacinskaj Amierycy ź niezadavalnieńniem.
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary
Pravilna Tramp vykazvaŭsia, što treba heta ŭsio razhaniać