Германія не атрымала месца ў Радзе бяспекі ААН. За паразай у галасаванні можа стаяць Расія
Учорашняе галасаванне на Генеральнай асамблеі ААН у Нью-Ёрку абярнулася правалам для ўрада Германіі: краіна не змагла атрымаць месца непастаяннага члена Рады бяспекі на 2027 і 2028 гады, саступіўшы Аўстрыі і Партугаліі. Рашэнне было прынята ў ходзе таемнага галасавання, піша Bild.
Акрамя пастаянных членаў Рады бяспекі — Кітая, Францыі, Вялікабрытаніі, Расіі і ЗША — у склад органа ўваходзяць яшчэ дзесяць дзяржаў, якія абіраюцца на двухгадовы тэрмін.
Параза ў ААН, як сцвярджаецца, стала цяжкім ударам для Фрыдрыха Мерца, які ў пачатку свайго канцлерства абвясціў пра вяртанне Германіі «на еўрапейскую і міжнародную арэну».
На фоне прайгранага Германіяй галасавання ў краіне ўжо гучаць заклікі скараціць нямецкае фінансаванне ААН.
«У выніку адна з найбуйнейшых эканомік свету не будзе ўдзельнічаць у абмеркаванні важных рашэнняў. Акрамя таго, мы з’яўляемся адным з найбуйнейшых донараў ААН. Калі ў будучыні мы не будзем мець там таго ўплыву, які нам належыць, узнікае пытанне: навошта тады нам працягваць укладваць столькі грошай у ААН?», — заявіў міністр па міжнародных справах зямлі Гесэн Манфрэд Пенц.
Цяпер Германія — другі па велічыні донар ААН у свеце пасля ЗША. У 2024 годзе Берлін выдзеліў на падтрымку міжнароднай арганізацыі 4,4 млрд еўра.
Таксама ў Берліне заяўляюць, што за паразай Германіі ў галасаванні можа стаяць Расія.
Масква актыўна агітавала многія краіны Паўднёвага паўшар’я галасаваць супраць кандыдатуры Германіі, паведаміла Reuters са спасылкай на нямецкіх дыпламатаў.
Па словах кіраўніка нямецкага МЗС Ёгана Вадэфуля, Расія выступала супраць Германіі з-за асцярог, што нямецкія прадстаўнікі пачнуць прасоўваць вайну ва Украіне на першае месца ў парадку дня. Крэмль хацеў прадухіліць такое развіццё падзей.
На вынік галасавання на Генеральнай Асамблеі паўплывала і пазіцыя самой Германіі. У прыватнасці, стрыманая пазіцыя Берліна адносна спрэчнай з пункту гледжання міжнароднага права аперацыі ЗША ў Венесуэле была ўспрынята ў Лацінскай Амерыцы з незадавальненнем.
Цяпер чытаюць
«Спасибо, Лена! Продолжайте вести наблюдение». Афіцэр, які пісаў Харысавай, пасвіўся ў чатах палітэміграцыі, а некаторым дзяўчатам нават прапаноўваў абмяняцца нюдсамі9191
Каментары
Правільна Трамп выказваўся, што трэба гэта ўсё разганяць