Зяленскі папярэдзіў Пуціна, што Украіна «вельмі блізкая» да стварэння балістычнай ракеты
Украіна праінфармавала Расію аб гатоўнасці біць балістычнымі ракетамі, калі Крэмль не пагодзіцца на завяршэнне вайны на бягучай лініі фронту.
Уладзімір Пуцін адхіліў прапанову Уладзіміра Зяленскага наконт завяршэння вайны і праігнараваў папярэджанне пра ўкраінскую балістычную зброю, паведамляе выданне The Telegraph. Як адзначаецца ў публікацыі, кіраўнік Крамля меў рэальны шанец выйсці з вайны, аднак адмовіўся ад яго, нягледзячы на прамое паведамленне пра пачатак прымянення Украінай прынцыпова новага для яе ўзбраення.
Паводле інфармацыі The Telegraph, якая спасылаецца на інтэрв'ю Зяленскага тэлеканалу Sky News, Украіна афіцыйна праінфармавала Расію аб гатоўнасці нанесці ўдары балістычнымі ракетамі, калі Крэмль адмовіцца спыніць вайну на цяперашняй лініі фронту.
Выданне падкрэслівае, што Расія мае апошні шанец урэгуляваць канфлікт да таго, як удары ўкраінскай балістыкі стануць рэальнасцю, паколькі Узброеныя сілы Украіны вельмі блізкія да яе атрымання. Матэрыял выйшаў пад красамоўным загалоўкам: «Зяленскі папярэдзіў Пуціна, што Украіна неўзабаве можа запусціць балістычную ракету па Расіі».
«Мы вырабілі шмат розных дронаў і ракет, у нас да гэтага часу няма балістыкі, але мы ўжо ў працэсе, мы вельмі блізкія. Гэта наш адказ, і мы не будзем проста моўчкі паміраць. Мы будзем адказваць, і мы будзем станавіцца мацнейшымі і мацнейшымі з кожным днём, дзень за днём», — сказаў Зяленскі.
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?1
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары
А не па сваёй (хоць і акупаванай).
Применили и сразу сделали предложение, а не наоборот.