Milicyjanty patłumačyli, čamu nie departavali kiroŭcu «Hielendvahiena» z Kazachstana, što parkavałasia na tratuary ŭ Minsku
Siońnia 32‑hadovuju kiroŭcu pazadarožnika na błatnych kazachstaskich numarach vyklikali ŭ padraździaleńnie mihracyi.
U sacyjalnych sietkach vyklikaŭ rezanans učynak kiroŭcy pazadarožnika «Hielendvahien», jaki pryparkavaŭsia ŭ Minsku prosta na chodniku kala hanka «Akademknihi» la stancyi mietro «Akademija navuk». Milicyjanty znajšli vadziciela — 32‑hadovuju hramadzianku Kazachstana.
Jany ž vyśvietlili, što heta było nie adzinaje parušeńnie žančyny — hety «Hielendvahien» stajaŭ na parkinhu HC «Zamak» na miescy, pryznačanym dla transpartnych srodkaŭ ludziej ź invalidnaściu.
Taksama supracoŭniki manitorynhu darožnaha ruchu vyjavili, što žančyna pieravoziła 2‑hadovaha chłopčyka na piarednim pasažyrskim siadzieńni bieź śpiecyjalnaha prystasavańnia.
Pres-słužba DAI paviedamiła, što za parušeńni žančyna pryciahnuta da adkaznaści. Jak mienavita, nie ŭdakładniajecca.
Siońnia ž MUS raskazaŭ, što kiroŭcu vyklikali ŭ padraździaleńnie hramadzianstva i mihracyi pa miescy žycharstva. Tam jana była aficyjna papiaredžanaja pra toje, što ŭ vypadku paŭtornaha ździajśnieńnia supraćpraŭnych dziejańniaŭ budzie vypravadžanaja z krainy.
«Z ulikam taho, što ŭ žančyny na ŭtrymańni znachodzicca čaćviora niepaŭnaletnich dziaciej, Ministerstvam unutranych spraŭ pryniata rašeńnie dać apošni šaniec», — paviedamiła MUS.
Ciapier čytajuć
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ1919
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ19
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłota ŭ Kranštacie4141
Kamientary