U Babrujsku šmatdzietnuju maci asudzili na vialiki termin pa narkatyčnym artykule
Sproba 33‑hadovaj žycharki Babrujska, jakaja haduje čatyroch dziaciej, chutka padzarabić skončyłasia trahiedyjaj dla jaje siamji. Za zhodu pracavać zakładčycaj na narkamarkiet žančyna atrymała surovy prysud. Choć u jaje ničoha i nie atrymałasia.
Jak vyśvietliła śledstva, babrujčanka znajšła prapanovu ab pracaŭładkavańni ŭ telehramie, dzie joj paabiacali lohki zarobak za raspaŭsiud psichatropaŭ. Dla vieryfikacyi i afarmleńnia žančyna adpraviła svajmu «kurataru» fatahrafiju pašparta, paśla čaho prajšła instruktaž. Jaje pieršaje zadańnie pravaliłasia, bo jana prosta nie zmahła znajści pakunak z narkotykami ŭ paznačanym miescy.
Druhoje ž zadańnie žančyna vykanać užo nie paśpieła. Za pracu pa novych kaardynatach joj abiacali zapłacić 60—70 dołaraŭ. Pa darozie da schovanki jaje zatrymali supracoŭniki milicyi. U vyniku pieratrusu pravaachoŭniki kanfiskavali z tajnika 2,25 hrama zabaronienaha rečyva.
Sud Babrujska paličyŭ dokazy viny pierakanaŭčymi i pryznaŭ žančynu vinavataj pa čaćviortaj častcy artykuła 328 Kryminalnaha kodeksa Respubliki Biełaruś i prysudziŭ 8 hadoŭ va ŭmovach ahulnaha režymu. Prysud jašče nie ŭstupiŭ u zakonnuju siłu.
Ciapier čytajuć
Małady biełarus nie chacieŭ siadzieć u Rasii za narkotyki, tamu prydumaŭ, jak chutka vyjści z kałonii — i vyjšaŭ na ŭkrainskija pazicyi pad Pakroŭskam44
Kamientary
Druhoje ž zadańnie žančyna vykanać užo nie paśpieła..."
Chto moža rastłumačyć ABSURDNAŚĆ situacyi : vykanaŭcaŭ łoviać lohka i chutka, a voś PRACADAŬCY nibyta nievidzimki - nie pamiataju nivodnaj padobnaj naviny, kab ICH ŁAVILI RAZAM z tymi, kamu jany vydajuć tuju narkatu!
Uźnikajuć dumki, jakija ja tut pisać nie chaču (
[Zredahavana]