Hramadstva1414

Pamiatajecie palitviaźnia Vituchnoŭskaha, jaki pajšoŭ vajavać za Rasiju? Jon užo zahinuŭ

Chłopcu z Homiela było 24 hady. Adrazu paśla vyzvaleńnia jon prapaŭ. Spačatku kazali, što pajechaŭ u manastyr, ale ŭrešcie Vituchnoŭski znajšoŭsia na froncie — na baku akupantaŭ. Ciapier siabry Alaksandra paviedamili «Našaj Nivie» pra jaho śmierć.

Alaksandr Vituchnoŭski. Fota ź jahonaj staronki Ukantakcie

Alaksandru Vituchnoŭskamu było 24 hady. Jon z Homiela, vučyŭsia tam ža — u Biełaruskim dziaržaŭnym univiersitecie transpartu.

U sacyjalnych sietkach Vituchnoŭski zusim ničoha nie pisaŭ pra palityku. Jon publikavaŭ tam vyrazki z anime, filmaŭ i hulniaŭ, cytaty i miemy.

A voś členy jaho siamji aktyŭna demanstravali svaju palityčnuju pazicyju. Na staroncy ŭ maci — pravasłaŭnyja ikony i zhienieravanyja roliki, na jakich kahości vinšuje Pucin. U baćki — videa kštałtu «Sierbija padtrymała Rasiju». U brata — vialiki čyrvona-zialony ściah i roznyja prarasijskija padpiski.

Adnak navat pry takich siamiejnych uvodnych Vituchnoŭski ŭ Biełarusi trapiŭ u palitviaźni.

Chłopca aryštavali ŭ pačatku 2023 hoda. U kastryčniku 2023 jaho asudzili pa dvuch artykułach — «raspalvańnie varožaści» (č. 1 art. 130 KK) i «ŭdzieł u dziejańniach, što hruba parušajuć hramadski paradak» (č. 1 art. 342 KK). Prysud nieviadomy, ale, pa infarmacyi pravaabaroncaŭ, jon usio ž trapiŭ u kałoniju — jak minimum na niekalki miesiacaŭ.

Alaksandr Vituchnoŭski va ŭniviersitecie. Fota: bsut.by

Vituchnoŭski vyjšaŭ na svabodu ŭviesnu 2024 hoda. Praź miesiac jaho abvieścili ŭ milicejski vyšuk. Pra jaho napisali i pošukavyja atrady, paviedamiŭšy pra prablemy sa zdaroŭjem u chłopca. U kamientarach ludzi paviedamlali, što baćki viedajuć, dzie Alaksandr i što jon «pajechaŭ u manastyr».

Kamientar pad dopisam pra pošuk Alaksandra Vituchnoŭskaha

Manastyr akazaŭsia śpiecyfičny. Staronki Vituchnoŭskaha ŭ sacsietkach nie abnaŭlalisia da 24 listapada 2024. Tady jon vykłaŭ razmytaje fota rasijskaha vajskoŭca. Toje, što vajskoviec mienavita rasijski, vidać pa formie.

Fota, jakoje vykłaŭ Alaksandr Vituchnoŭski

Niadaŭna ŭkrainski prajekt «Chaču žyć» vykłaŭ śpis z bolš za 700 biełarusaŭ, jakija vajujuć suprać Ukrainy. U pieraliku imionaŭ jość i Alaksandr Vituchnoŭski — paviedamlajecca, što jon padpisaŭ kantrakt z rasijskaj armijaj 14 červienia 2024 hoda.

Apošni raz hamialčuk byŭ anłajn 26 listapada 2024 hoda.

U bazie śmierciaŭ hramadzian Biełarusi, dastupnaj «Kibierpartyzanam», Vituchnoŭski jašče paznačany žyvym. Adnak tam ukazvajucca źviestki pa stanie na kaniec 2024 hoda.

Jak stała viadoma «Našaj Nivie», Alaksandr Vituchnoŭski zahinuŭ u pačatku 2025 hoda. Hetaj infarmacyjaj padzialilisia siabry byłoha palitviaźnia.

«Naša Niva» — bastyjon biełaruščyny

PADTRYMAĆ

Kamientary14

  • Anton Łaviej
    22.05.2025
    Nadiejuś on prichvatił s soboj v ad maksimalno mnoho kolleh-orkov.
  • dobryj
    22.05.2025
    Kommientatoram vyšie sovietuju pročitať staťju, a nie tolko zahołovok. U čuvaka vsia sieḿja vatniki. I pri etom on umudriłsia popasť po političieskim staťjam. Vot kto vinovat v tom, čto on umier na vojnie, skažitie.
  • Anton Łaviej
    22.05.2025
    dobryj, Priedłahaješ ślezu pustiť i šapku śniať po pavšiemu orčienku? Ničieho strašnoho,rieinkarnirujetsia v tarakana ili muchomora na krajniak )

Ciapier čytajuć

U Smarhonskim rajonie «Aŭdzi» ŭščent razburyła histaryčny pomnik

U Smarhonskim rajonie «Aŭdzi» ŭščent razburyła histaryčny pomnik

Usie naviny →
Usie naviny

Tramp znoŭ zajaviŭ, što Ukraina moža vyjhrać u vajnie. Ale nie dumaje, što vyjhraje12

DAI prapanuje zamianić nievialikija maršrutki aŭtobusami bolšaj umiaščalnaści9

«Asnoŭny instrumient — hienietyčnaja ekśpiertyza». U Śledčym kamitecie raskazali, jak raskryvajuć zabojstvy daŭno minułych hadoŭ3

U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć31

U Viciebsku ładziać ekskursii ŭ prapahandyscki centr rasijskaha militaryzmu FOTAFAKT5

U Łojevie pradajuć budynak, u jakim mieścicca adzinaja pošta. A što budzie ź joj samoj?

Ciła pocisku ruki ŭ 50 hadoŭ moža pradkazać vaša zdaroŭje ŭ 70: vyniki daśledavańnia3

Stała stražejšaj adkaznaść za vykarystańnie bieśpiłotnikaŭ2

U Biełaruś z-za miažy pieravodzicca u 1,5 raza bolš hrošaj, čym naadvarot5

bolš čytanych navin
bolš łajkanych navin

U Smarhonskim rajonie «Aŭdzi» ŭščent razburyła histaryčny pomnik

U Smarhonskim rajonie «Aŭdzi» ŭščent razburyła histaryčny pomnik

Hałoŭnaje
Usie naviny →

Zaŭvaha:

 

 

 

 

Zakryć Paviedamić