Nie prabyŭ na froncie i piaci dzion, zastaŭsia tolki abhareły trup. U vajnie suprać Ukrainy zahinuŭ uradženiec Śvietłahorskaha rajona
Pra čarhovy vypadak hibieli hramadzianina Biełarusi na vajnie Rasii suprać Ukrainy daviedaŭsia «Fłahštok».
Pavodle infarmacyi krynicy, 33‑hadovy Dzianis Safronaŭ, jaki žyŭ u vioscy Astaškavičy Śvietłahorskaha rajona, nie prabyŭ nie na froncie i piaci dzion — na radzimu viarnuli jahony abhareły trup.
Historyja Dzianisa Safronava typovaja dla biełaruskich najmitaŭ — pajechaŭ u Rasiju na zarobki, trapiŭ u turmu, zatym na front. Mienavita znachodziačysia ŭ źniavoleńni ŭradženiec Śvietłahorskaha rajona byŭ zavierbavany na vajnu.
Toje, što Safronaŭ byŭ asudžany ŭ Rasii, paćviardžajuć apublikavanyja ŭ siecivie dakumienty. Heta adzinaja dastupnaja infarmacyja pra zahinułaha.
Biełarusa, razam ź jašče adnym uradžencam Astaškavičaŭ, asudzili ŭ sakaviku 2024 hoda pa pryhavory Daŭhaprudnienskaha haradskoha suda Maskoŭskaj vobłaści. U dakumientach skazana, što Safronaŭ mieŭ siaredniuju śpiecyjalnuju adukacyju, u šlubie nie znachodziŭsia, ale mieŭ na ŭtrymańni małaletniaje dzicia, pracavaŭ elektramantažnikam. Jaho asudzili pavodle č. 3 art. 162 KK RF da 7 hadoŭ 6 miesiacaŭ pazbaŭleńnia voli z adbyvańniem pakarańnia ŭ papraŭčaj kałonii strohaha režymu.
Biełarusy byli pryznanyja vinavatymi ŭ razboi hrupaj asob pa papiaredniaj zmovie, z užyvańniem pradmieta, jaki vykarystoŭvajecca ŭ jakaści zbroi, ź niezakonnym praniknieńniem u žyllo. Złačynstva było ździejśniena 5 lutaha 2023 hoda ŭ Daŭhaprudnym Maskoŭskaj vobłaści. Pa viersii śledstva, abvinavačanyja pryjšli ŭ kvateru da znajomaha, udaryli jaho butelkaj pa hałavie, zatym jaho źbili i vykrali z kvatery dva mabilnyja telefony i televizar, paśla zdaŭšy rečy ŭ łambard.
Safronaŭ nie pahadziŭsia z prysudam i padaŭ kasacyjnuju skarhu, ličačy, što «vysnova ŭ prysudzie ab najaŭnaści ŭ jaho śviadomaści niedastatkova abhruntavanaja, nieabchodna było pravieści stacyjanarnuju, a nie ambułatornuju psichołaha-psichijatryčnuju ekśpiertyzu, pakolki jon chvareje na ałkahalizm, raniej nieadnarazova atrymlivaŭ traŭmy hałavy». Śćviardžaŭ, što bojku spravakavaŭ paciarpieły i sam pahražaŭ nažom. Ale skarha była adchilenaja — heta adbyłosia ŭ červieni 2025 hoda.
Paśla hetaha, vierahodna, biełarus byŭ etapavany ŭ kałoniju, dzie jaho i zavierbavali ŭ vojska.
Znajomyja zahinułaha raspaviali, što jon sa šmatdzietnaj siamji, maci hadavała dziaciej adna. Paśla škoły mužčyna pracavaŭ u kałhasie, paśla vyjechaŭ na zarobki ŭ Maskvu, dzie jaho kinuli na hrošy. Z turmy pajšoŭ na vajnu, patelefanavaŭ maci i paviedamiŭ, što na froncie.
Vierahodna, biełarusa adpravili ŭ šturmaviki, i praz try dni stała viadoma, što jon zahinuŭ. Heta zdaryłasia ŭ pačatku vieraśnia. Pachavali mužčynu ŭ druhoj pałovie kastryčnika.
Były stačkamaviec z Salihorska zahinuŭ na vajnie z Ukrainaj
Małady ratavalnik z Asipovičaŭ staŭ Bulbašom i zahinuŭ na vajnie za Rasiju
28‑hadovy biełarus pajechaŭ u Rasiju i ažaniŭsia. Adrazu zavierbavaŭsia na vajnu, pavajavaŭ miesiac — i zahinuŭ
Minimum 314 biełarusaŭ zahinuli va Ukrainie, vajujučy za Rasiju. Stali viadomyja imiony. Ad viarboŭki da śmierci prachodzić u siarednim paŭhoda
«Viarnuli jak bydła». Vyzvalenych rasijskich pałonnych adrazu adpraŭlajuć nazad na vajnu
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary