Aŭtazavodca ź Michanavičaŭ kinuli za kraty za palityčnyja vykazvańni
Byłoha rabotnika Minskaha aŭtazavoda Vadzima Žydzisa aryštavali ŭ sakaviku 2026 hoda. Mužčynu kinuli za kraty za «raspalvańnie varožaści».
Vadzimu Žydzisu 39 hadoŭ. Jon ź Michanavičaŭ. Doŭhi čas mužčyna pracavaŭ na Minskim aŭtamabilnym zavodzie. Raniej hulaŭ u amatarski futboł. U jaho jość žonka i dvoje dziaciej.
U volny čas Žydzis cikaviŭsia aŭtamabilami i byŭ zaŭziatym amataram pošuku ź mietałašukalnikam. U telehram-čatach Michanavičaŭ, dzie jon žyŭ, Vadzim byŭ vielmi aktyŭnym karystalnikam: šmat abmiarkoŭvaŭ bytavyja prablemy ŽKH, ramont daroh i asartymient u miascovych kramach, a taksama dzialiŭsia fotazdymkami svaich histaryčnych znachodak z vakolic i raskazvaŭ pra ŭradžajnyja hrybnyja miescy.
Jon taksama reahavaŭ na prajavy «ruskaha śvietu» ŭ Biełarusi, asudžajučy rasijskuju ahresiju suprać Ukrainy i ŭstalavańnie pomnikaŭ rasijskim dziejačam zamiest biełaruskich.
Vadzima aryštavali ŭ kancy sakavika 2026 hoda i źmiaścili ŭ SIZA. Jaho abvinavacili pavodle častki 1 artykuła 130 Kryminalnaha kodeksa («naŭmysnyja dziejańni, nakiravanyja na raspalvańnie sacyjalnaj varožaści»), jakaja časta vykarystoŭvajecca dla palityčnych represij.
Žydzisa sudzili ŭ Minskim haradskim sudzie. Dakładny prysud nieviadomy, ale, padobna, heta kałonija — anłajn jon tak i nie źjaviŭsia.
Pavodle padlikaŭ abjadnańnia siłavikoŭ «Biełpoł» i pravaabaroncaŭ, pa stanie na viasnu 2026 hoda byli viadomyja imiony 9594 ludziej, jakija padpali pad palityčna matyvavanyja kryminalnyja spravy. Pavodle tych ža padlikaŭ, usiaho tyja ci inšyja palityčnyja represii (kryminałki, administratyŭki, zvalnieńni, pieratrusy) začapili kala 500 tysiač biełarusaŭ. Niekalki socień tysiač ludziej vymušanyja byli pakinuć krainu.
«Ekstremizmam» ułady Biełarusi ličać padpiski na niezaležnyja kanały, ŚMI, najaŭnaść spasyłak na ich u sacyjalnych sietkach ci najaŭnaść u sacsietkach abo na rečach biełaruskaj nacyjanalnaj simvoliki. Da «ekstremizmu» zaličvajuć taksama praktyčna ŭsialakuju krytyku ŭładaŭ, aficyjnych histaryčnych naratyvaŭ ci prajavy salidarnaści z Ukrainaj.
«Naša Niva» — bastyjon biełaruščyny
PADTRYMAĆCiapier čytajuć
Małodšy syn Sachaščyka abvieščany źnikłym bieź viestak. Vyhladaje, jon vajavaŭ za Rasiju99
Kamientary