«Hałoŭnaje — šapki nadzieli». U centry Minska ŭ -17°C zaŭvažyli biehunoŭ praktyčna biez adzieńnia
Pakul bolšaść minčukoŭ u niadzielu, 1 lutaha, chutałasia ŭ šaliki i puchaviki, ratujučysia ad mocnaha marozu, na praśpiekcie Niezaležnaści zaŭvažyli hrupu entuzijastaŭ, jakim choład, zdajecca, zusim nie pieraškadžaŭ.
U sacyjalnaj sietcy Threads źjavilisia videa, na jakich vidać, jak uzdoŭž praśpiekta, spačatku ŭ rajonie parku Čaluskincaŭ, a paśla niedaloka ad płoščy Niezaležnaści ŭ inšym kancy horada, biažyć hrupa mužčyn. Z ekipiroŭki na ich — pieravažna tolki šorty, šapki i palčatki, tolki niekatoryja ŭciaplilisia lehinsami. I heta pry tym, što tempieratura pavietra ŭ stalicy apuściłasia da -17°C, a pa adčuvańniach nadvorje ŭsprymajecca jak usie -25°C.
Kamientatary adreahavali na «maržoŭ-biehunoŭ» pa-roznamu. Niechta vykazaŭ pavahu da zdarovaha ładu žyćcia: «Hodna. Lepš, čym pa barach žłukcić».
Inšyja pastavilisia skieptyčna, nazvaŭšy heta «pakazuchaj» i vykazaŭšy aściarohi nakont nahruzki na miedycynu: «Adkazny čałaviek takim zajmacca nie budzie. Čaściej za ŭsio takoj pakazuchaj zajmajucca vajskoŭcy ci milicyjaniery».
Ale bolšaść karystalnikaŭ pastaviłasia da zabiehu z humaram:
- «Hałoŭnaje, šapki nadzieli, kab vušy nie admarozić»;
- «Džentlmieny ŭdačy» zdymajuć praciah»;
- «Heta jany pahladzieli ceny kvater u «Paŭnočnym Bierazie», achranieli i biehajuć na znak pratestu, šakujučy ludziej».
Kamientary