Čamu Ukraina idzie na abvastreńnie adnosin z Łukašenkam? Zapytali ŭ Ihara Kizima
Prezident Ukrainy Uładzimir Zialenski ŭvioŭ piersanalnyja sankcyi suprać Łukašenki. Niadaŭna jon taksama sustreŭsia sa Śviatłanaj Cichanoŭskaj i zaprasiŭ jaje ŭ Kijeŭ.
Čamu Ukraina pajšła na abvastreńnie adnosin ź biełaruskim režymam, čaho raniej staranna paźbiahała? Na jaki vynik tut spadziajecca ŭkrainski bok? Zapytali ŭ byłoha śpiecpradstaŭnika Ukrainy ŭ pytańniach Biełarusi Ihara Kizima.
Surazmoŭca adznačaje, što toje, što my nazirajem — adekvatnaja reakcyja na varožyja dziejańni Łukašenki ŭ adnosinach da Ukrainy, choć i zapoźnienaja.
«Sa źmienami ŭ Ofisie prezidenta Zialenskaha adbylisia i źmieny ŭ palitycy Ukrainy ŭ dačynieńni da častki ciapierašniaha režymu ŭ Biełarusi, a taksama da biełaruskaha kiejsa ahułam, tych ža demakratyčnych sił. Akramia prapahandysckich i palityčnych pravakacyj (naprykład, sustreča Łukašenki z tak zvanym hubernataram časova akupavanaj častki Chiersonskaj vobłaści), prymałasia da ŭvahi i ŭzmacnieńnie supracy z RF, raźmiaščeńnie «Arešniku», dazvoł rasijskim apierataram dronaŭ vykarystoŭvać terytoryju Biełarusi dla atak na ŭkrainskija abjekty».
Kizim nazyvaje dziejańni Ukrainy kansalidacyjaj z sankcyjnaj palitykaj ES, jaki ŭžo daŭno ŭvioŭ piersanalnyja sankcyi suprać Łukašenki.
«Asabliva heta aktualna ciapier, kali Jeŭropa ŭzmacniaje svaju adkaznaść za jeŭrapiejskija spravy na fonie palityki prezidenta Trampa. My ž [ukraincy] chočam być ź Jeŭropaj», — kamientuje Ihar Kizim.
Eks-pasoł ličyć, što Ukraina pavinna hrać samuju aktyŭnuju, a, mahčyma, i asnoŭnuju rolu ŭ biełaruskim pytańni, bo paciarpieła ad suŭdziełu režymu Łukašenki ŭ rasijskaj ahresii.
«A kab takuju rolu hrać, treba rasstavić usie kropki nad «i». Inakš ukrainskija ŭłady nichto nie budzie ŭsprymać jak surjoznaha hulca na rehijanalnym i jeŭrapiejskim uzroŭni, u tym liku i ŭ ramkach mirnaha pracesu i paclavajennaha ŭrehulavańnia».
Palityka «nie złavać dzieda», na dumku Ihara Kizima, zhubiła aktualnaść jak minimum hod tamu.
«Zhadajcie navahodni zvarot Zialenskaha i jaho «Žyvie Biełaruś!» ci aficyjnaje paviedamleńnie pra niepryznańnie tak zvanych vybaraŭ Łukašenki ŭ 2025 hodzie i hetak dalej. To bok, rychtavałasia padaploka. A ciapier usio syšłosia ŭ adnym miescy i ŭ adzin čas — i źmieny ŭ Ofisie, i palityka Trampa, i rasijskija drony. Ale tut maje być i sihnał dla Łukašenki: va Ukrainie jość jašče sposaby reahavać na jaho «duraści» i nieadekvatnyja pavodziny».
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ31
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary