Adpuskać Natallu Levuju ŭ Homiel adpraviŭsia namieśnik ministra ŭnutranych spraŭ Kazakievič
Pryjechali i muž Natalli, i jaje pažyłaja mama. Nahnali i teleprapahandystaŭ.
Natalli naradžać praź niekalki tydniaŭ. Siońnia stała viadoma, što jana zmoža heta zrabić u cyvilnym raddomie.
Palitźniavolenaja fotailustratarka z Bresta Natalla Levaja za kratami z maja 2024 hoda. Jana viartałasia z Polščy, kali jaje zatrymali za danaty.
Kalehi adhavorvali žančynu viartacca dadomu, ale jana skazała, što mocna sumuje pa radzimie dy ŭžo spłaciła ŭ kratnym pamiery danaty za 2020‑y i maje papieru ad KDB.
Natallu asudzili na šeść hadoŭ kałonii va ŭmovach ahulnaha režymu. Akramia hetaha, jaje aštrafali na 1000 bazavych vieličyń (40 tysiač rubloŭ) — amal na takuju sumu, jakuju Natalla zadanaciła ŭ inicyjatyvy i fondy.
Natallu Levuju pryznali vinavataj pavodle nastupnych artykułaŭ Kryminalnaha kodeksa: č. 2 art. 361‑1 (finansavańnie ekstremisckaj dziejnaści), č. 2 art. 361‑3 (finansavańnie ŭdziełu na terytoryi zamiežnaj dziaržavy ŭ vajennych dziejańniach) i art. 361‑2 (finansavańnie dziejnaści ekstremisckaha farmavańnia).
U kałonii paśla spatkańnia z mužam žančyna zaciažaryła.
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju14
Kamientary