Karal Naŭrocki nakłaŭ vieta na atrymańnie kredytu dla madernizacyi polskaj armii. Va ŭradzie niezadavolenyja
Prezident Polščy Karal Naŭrocki nakłaŭ vieta na zakon, jaki praduhledžvaŭ atrymańnie vialikaha jeŭrapiejskaha kredytu dla madernizacyi polskaj armii. Raniej hety dakumient užo padtrymali abiedźvie pałaty parłamienta, piša Onet.pl.
Pryniaty parłamientam zakon pavinien byŭ dazvolić Polščy atrymać kala 43—44 miljardaŭ jeŭra ŭ miežach jeŭrapiejskaj prahramy SAFE. Hetyja hrošy płanavałasia vykarystać dla raźvićcia i ŭzbrajeńnia polskich uzbrojenych sił.
Karal Naŭrocki, adnak, zajaviŭ, što nie padpiša zakon, bo ličyć jaho niebiaśpiečnym dla krainy. Pavodle jaho słoŭ, havorka idzie pra vialiki zamiežny kredyt na 45 hadoŭ u zamiežnaj valucie. Jon padkreśliŭ, što vypłata pracentaŭ moža kaštavać kala 180 miljardaŭ złotych (42,18 miljarda jeŭra), i ŭ vyniku Polščy daviadziecca viarnuć sumu, jakaja amal udvaja pieravyšaje atrymanyja srodki. Na jaho dumku, taki doŭh stanie ciažaram dla budučych pakaleńniaŭ.
Pavodle płana ŭrada, kala 89% srodkaŭ mahli b atrymać polskija abaronnyja pradpryjemstvy. Hrošy pavinny byli pajści na sistemy supraćpavietranaj abarony, baraćbu ź bieśpiłotnikami, raźvićcio dronaŭ, a taksama na vytvorčaść zienitnych kompleksaŭ «Piarun», radyjołakacyjnych sistem, braniatechniki, minamiotaŭ «Rak», haŭbic «Krab» i inšych vidaŭ vajskovaj techniki.
Rašeńnie prezidenta vyklikała rezkuju krytyku z boku ŭrada. Premjer-ministr Donald Tusk zajaviŭ, što kiraŭnik dziaržavy straciŭ mahčymaść prajavić siabie jak patryjot. Urad užo abviaściŭ pra pazačarhovaje pasiadžeńnie i zajaviŭ, što šukaje sposab abyści prezidenckaje vieta i ŭsio ž atrymać finansavańnie.
Ministr nacyjanalnaj abarony Uładzisłaŭ Kasiniak-Kamyš taksama adznačyŭ, što hetaje rašeńnie škodzić biaśpiecy krainy, ale ŭrad budzie šukać alternatyŭnyja šlachi dla madernizacyi armii.
Ciapier čytajuć
Druhi vajskoviec, jaki zahinuŭ pry avaryi MAZa pad Asipovičami — 21‑hadovy tenisist ź Viciebska3
Kamientary
U Polščy pytańnie nie ci madernizavać armiju, a jak i ź jakoj krynicy. Varta było b heta patłumačyć biełarusam, kab nie pieratvaralisia ŭ niedainfarmavanych nievierojatnych.