Na Homielščynie znajšli redki hryb, jakoha nie bačyli bolš za 60 hadoŭ
Navukoŭcy Instytuta ekśpierymientalnaj bataniki imia Kupreviča Nacyjanalnaj akademii navuk Biełarusi paviedamili pra redkuju znachodku ŭ Žytkavickim rajonie. U dubrovach tam znajšli dubovy trutavik — hryb, jaki ŭ Biełarusi nie fiksavaŭsia z 1963 hoda.
Redki vid znajšli padčas daśledavańniaŭ na terytoryi Najdzianskaha lasnoha ŭčastka i Pieraroŭskaha laśnictva nacyjanalnaha parku «Prypiacki». Śpiecyjalisty zaŭvažyli pładovaje cieła dubovaha trutavika, što stała pieršaj aficyjna zafiksavanaj znachodkaj hetaha vidu za apošnija bolš čym šeść dziesiacihodździaŭ.
Dubovy trutavik adnosicca da ksiłatrofnych hryboŭ, jakija raźvivajucca na draŭninie. Jon raście na žyvych dubach, suchich kamlach i pavalenych drevach. Hryb niejadomy.
Takija vidy adyhryvajuć važnuju rolu ŭ ekasistemie lesu, udzielničajučy ŭ naturalnym raskładańni draŭniny i kruhavarocie pažyŭnych rečyvaŭ.
Navukoŭcy adznačajuć, što pładovyja cieły dubovaha trutavika źjaŭlajucca nie kožny hod. Tamu navat kali hrybnica praciahvaje žyć unutry dreva, sam hryb moža doŭhi čas zastavacca niezaŭvažanym.
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu12
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary