Padčas teraktu na vajskovym poście ŭ Pakistanie zahinuli nie mienš za 15 čałaviek
Nie mienš za 15 čałaviek zahinuli 24 lipienia ŭ vyniku teraktu, ździejśnienaha śmiarotnikam na vajskovym kantrolna-prapusknym punkcie ŭ pravincyi Chajbier-Pachtunchva na paŭnočnym zachadzie Pakistana. Adkaznaść za napad uziała na siabie radykalnaja hrupoŭka «Techryk-i-Taliban Pakistan» (TTP), paviedamlaje Reuters.
Pavodle źviestak pakistanskaha vojska, śmiarotnik nakiravaŭ aŭtamabil, načynieny vybuchoŭkaj, u ścianu, jakaja atačała vajskovy post. Mahutny vybuch zabiŭ 12 vajskoŭcaŭ, dvuch palicyjantaŭ i adnaho cyvilnaha supracoŭnika.
Paśla vybuchu pačałasia pierastrełka. Pavodle paviedamleńnia vajskoŭcaŭ, u chodzie boju byli zabityja 12 uzbrojenych bajevikoŭ.
Pakistanskaje vojska zajaviła, što praciahnie baraćbu z teraryzmam, jaki, pavodle jaho śćviardžeńniaŭ, padtrymlivajecca z-za miažy. Apieracyja sił biaśpieki ŭ rajonie napadu praciahvajecca.
Hrupoŭka «Techryk-i-Taliban Pakistan», viadomaja taksama jak pakistanskija taliby, užo šmat hadoŭ viadzie ŭzbrojenuju baraćbu za ŭviadzieńnie ŭ krainie žorstkaj interpretacyi isłamskaha prava. Padčas vajny ŭ Afhanistanie častka jaje ŭdzielnikaŭ znajšła prytułak na afhanskim baku miažy.
Pavodle acenak Arhanizacyi Abjadnanych Nacyj, paśla viartańnia talibaŭ da ŭłady ŭ Afhanistanie ŭ 2021 hodzie TTP značna ŭmacavała svaje pazicyi i pavialičyła kolkaść svaich prychilnikaŭ.
Ułady Pakistana śćviardžajuć, što bajeviki TTP arhanizujuć napady, dziejničajučy z terytoryi Afhanistana, kudy paśla atak viartajucca. Afhanskija ŭłady hetyja abvinavačańni adchilajuć i zajaŭlajuć, što dziejnaść TTP źjaŭlajecca vyklučna ŭnutranaj prablemaj Pakistana.
U apošnija hady kolkaść teraktaŭ u paŭnočna-zachodnich rehijonach Pakistana, asabliva kala afhanskaj miažy, niaŭchilna raście. Tolki ŭ 2025 hodzie ŭ vyniku takich napadaŭ zahinuli sotni vajskoŭcaŭ, supracoŭnikaŭ siłavych struktur i mirnych žycharoŭ. Niezaležnyja naziralniki ličać, što za bolšaściu hetych atak staić mienavita hrupoŭka TTP.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii19
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
Kamientary