Łukašenka: Ja nie kažu, što my zaŭtra ŭdarym «Arešnikam» pa Vilni, Varšavie abo Kijevie
Łukašenka padčas naviedvańnia Drybinskaha rajona prakamientavaŭ žurnalistam zajavy Ukrainy pra toje, što rakietny kompleks «Arešnik», razhornuty na terytoryi Biełarusi, NATA pavinna ličyć zakonnaj cellu, piša BiełTA.
«Heta navat nie infanahoda. Heta samaje sapraŭdnaje hłupstva, i durni pra heta kažuć. Ja nie kažu, što my zaŭtra ŭdarym hetym «Arešnikam» pa Vilni, Varšavie abo Kijevie. Barani Boh. Heta nie naša zadača. Nam treba abaranić svaju krainu. A kab nie ŭdaryŭ «Arešnik», vy da nas nie leźcie. Ni z Ukrainy, ni z Polščy, ni ź Litvy, ni z Łatvii. Davajcie pa-čałaviečy vyrašać pytańni», — skazaŭ jon.
«Niachaj ličać zakonnaj cellu. Jany ž aburalisia, płakali, ciapier prycichli — što ja liču zakonnaj cellu dla Uzbrojenych Sił Biełarusi. Nie pahražaju. Kab jany znoŭ heta nie vyrvali z kantekstu i nie pačali», — adznačyŭ Alaksandr Łukašenka. — «Vy što, dumajecie, kali jany buduć ličyć zakonnaj cellu abjekty na terytoryi Biełarusi, ja budu spać i nazirać? 70 km mahu, 200 km. U nas jość čym dastać. Tamu ja b im paraiŭ nie brazhać jazykom i nie viakać. Ličać «Arešnik» zakonnaj cellu — kali łaska».
Jon taksama źviarnuŭ uvahu, što «Arešnik» — heta mabilnaja zbroja.
«Dziasiatak iłžyvych celaŭ. Heta značyć vyjdzie na maršrut 10 mašyn. Źvierchu pahladzieli — dziesiać «Arešnikaŭ». A jon budzie adzin. Tamu na lubuju atrutu zaŭsiody znojdziecca supraćjadździe», — zajaviŭ Łukašenka.
Kamientary
Intierv́ju Valeta Škłovskoho Sołov́jinomu Pomiotu