Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki
Mižnarodny kryminalny sud na svaim sajcie źmiaściŭ paviedamleńnie, što Ofis prakurora MKS pačaŭ rasśledavańnie na zvarot Litvy suprać režymu Łukašenki, «pryjšoŭšy da vysnovy, što jość razumnyja padstavy mierkavać, što złačynstvy pavodle Rymskaha statuta byli ździejśnienyja jak minimum častkova na terytoryi Litoŭskaj Respubliki».
Paviedamlajecca, što papiaredniaje vyvučeńnie hetaj spravy pravodziłasia z 30 vieraśnia 2024. Litva źviarnułasia da Ofisa prakurora MKS
«z prośbaj rasśledavać mierkavanyja złačynstvy suprać čałaviečnaści, ździejśnienyja ŭ Respublicy Biełaruś (jakaja nie źjaŭlajecca dziaržavaj-udzielnicaj MKS), zajaŭlajučy, što častka elemientaŭ hetych złačynstvaŭ była ździejśnienaja na terytoryi Litvy, jakaja źjaŭlajecca dziaržavaj-udzielnicaj».
Pavodle vierdyktu Ofisa:
«Jość arhumientavanyja padstavy mierkavać, što prymusovyja dziejańni, jakija pryviali da departacyi, ujaŭlali saboj liniju pavodzin suprać realnych abo ŭjaŭnych apanientaŭ urada Biełarusi ŭ adpaviednaści ź dziaržaŭnaj palitykaj abo ŭ jaje padtrymku. Ofis pryjšoŭ da vysnovy, što mierkavanyja złačynstvy, ździejśnienyja ŭładami, zaachvočvalisia abo ŭchvalalisia na samym vysokim dziaržaŭnym uzroŭni.
Taksama jość arhumientavanyja padstavy mierkavać, što hetyja złačynstvy byli ŭčynienyja jak častka šyrokamaštabnych i sistematyčnych atak na cyvilnaje nasielnictva, uličvajučy ich maštab, kolkaść achviar i arhanizavany charaktar dziejańniaŭ».
Jak adznačajecca,
«novaje rasśledavańnie ŭklučaje złačynstvy suprać čałaviečnaści, takija jak departacyja i pieraśled praz departacyju ŭ dačynieńni da luboj identyfikavanaj hrupy ci supolnaści pa palityčnych matyvach, jakija, jak śćviardžajecca, byli ździejśnienyja biełaruskimi ŭładami».
Pucin zabaraniŭ vykonvać rašeńni mižnarodnych sudoŭ
«Heta nie akt dabryni, a čarhovy instrumient represij». Juryst rastłumačyŭ, čamu prymusovaja departacyja palitviaźniaŭ złačynstva
Prakurora Mižnarodnaha kryminalnaha suda abvinavacili ŭ damahalnictvach, jon časova pakinuŭ pasadu
Vienhryja abviaściła pra vychad ź jurysdykcyi Mižnarodnaha kryminalnaha suda
Tramp uvodzić sankcyi suprać Mižnarodnaha kryminalnaha suda
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary