«Mnie byccam nas*ali ŭ kubak, a potym zatušyli tudy niedakurki»: rasijanka raskrytykavała minski aeraport
Biełarusy kinulisia baranić honar Nacyjanalnaha aeraporta «Minsk» u Threads.
Rasijanka Kaciaryna lacieła ŭ Hruziju praź Biełaruś. U minskim aeraporcie ŭ dziaŭčyny była pierasadka — pravieści ŭ im treba było 6 hadzin. Ubačanaje joj nie spadabałasia.
Kaciaryna napisała ŭ Threads, što złaviła vajb Savieckaha Sajuza, choć i nie žyła ŭ im nikoli. Ježu jana taksama nievysoka acaniła: dranikaŭ nie było, a za blinčyk z kurycaj i hrybami dy kavu pryjšłosia zapłacić 30 rubloŭ.
Kali b rasijanka była inśpiektarkaj «Mišlen», dyk kafe minskaha aeraporta zorku b dakładna nie atrymała. Kaciaryna nie strymlivała siabie ŭ vyrazach, detalova apisvajučy svaje ŭražańni ad napoju: «Mnie byccam nas*ali ŭ kubak, a potym zatušyli tudy niedakurki».
Kaža, što dapivać kavu nie stała. Nie spadabałasia joj i kolkaść razietak — Kaciaryna ličyć, što ich niedastatkova. Ale ŭ astatnim «usio nie tak drenna».
Biełarusy ž vielmi aburylisia i kinulisia baranić Nacyjanalny aeraport «Minsk»: «Dzie na hetych fota savok? U nas čysty pryhožy aeraport, nie ŭ kožnaj krainie siońnia taki pabačyš. Byli my ŭ vas — srač najstrašenny, pačynajučy ad aeraporta i zakančvajučy astatnim. Kudy nie pajdzi, usiudy padman — ad taksi da restaranaŭ. Tak što davaj, pakul. Doma kavu papješ!».
Ale znajšlisia i tyja, chto padtrymaŭ rasijanku: «A ŭ čym jana nie maje racyi, kava ŭ aeraporcie adstoj, sam aeraport savok saŭkom, u prybiralniu nie zajści — prosta žach. Kožny raz, kali zachodziš tudy, stanovicca soramna za naš aeraport. Razietak realna niama, chto časta byvaje ŭ aeraporcie, sam usio heta bačyć».
Šmat chto prasiŭ Kaciarynu raspavieści suajčyńnikam, jak usio drenna ŭ Biełarusi, kab jany siudy nie jechali.
«Jakija vy ŭsie śmiardziučyja, ahidnyja, apranajeciesia byccam na pamyjcy»: pryhažunia z Rastova raskrytykavała biełarusak
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam
«My dumali, Minsk — kałhasny horad». Rasijanka ščyra ździviłasia, čamu adhrabła ŭ tyktoku ad biełarusaŭ
«Dzieci schadzili ŭ sadok dva dni. I ja ŭžo chaču zabrać dakumienty»: rasijanka z Kryma ŭ šalenstvie ad biełaruskaha sadka
Kamientary
Dzie tam adkul jana kavu z padobnym smakam hatujuć??
Niechta zdolny ujavić )))??