Pamada Maryi Kaleśnikavaj i małakaadsos Maryny Mientusavaj — top ekspanataŭ z vystavy pra zmahańnie biełarusak
U Muziei Volnaj Biełarusi ŭ Varšavie adkryłasia vystava «Kropka ŭvachodu: sprava žančyn», na jakoj ekspanujucca asabistyja rečy biełarusak, što prajšli praz pratesty, izalatary, kałonii i emihracyju. Usie jany raskazvajuć pra sučasnuju, nieabyjakavuju biełarusku ŭ baraćbie za svaje pravy i canu abranaha šlachu.
Raskazvajem pra historyi niekalkich ekspanataŭ z vystavy.
Taja samaja pamada Maryi Kaleśnikavaj
Hetaja pamada prajšła z Maryjaj uvieś składany šlach u źniavoleńni — jana była ź joj u dzień zatrymańnia 7 vieraśnia 2020 hoda, ź joj ža jana vyjšła na volu, budučy departavanaj ź Biełarusi ŭ śniežni 2025-ha. Maryja farbavała vusny ŭ čyrvony štodzień — i ŭ SIZA, i ŭ kałonii. Jaje viernaść sabie i žadańnie padtrymlivać pryhažość navat u samych žudasnych umovach natchniła mnohich biełarusak.
Viadoma, što Kaleśnikava zahadała vykinuć uvieś miech sa svaimi turemnymi rečami, nie žadajučy pakidać ich hruz na novym etapie žyćcia. Ale siabry zachavali taki ekspanat i pieradali ŭ muziej.
Małakaadsos Maryny Mientusavaj
U žniŭni 2020 hoda dačce Maryny Mientusavaj Viery było ŭsiaho piać miesiacaŭ. Siamja žyła ŭ Maskvie, ale Maryna, jak aktyvistka i fieministka, nie mahła zastacca ŭ baku ad paślavybarčych padziej na radzimie, i stała adnoj z suarhanizatarak žanočych maršaŭ.
Kab mieć mahčymaść pakinuć dačku z baćkam i nie kłapacicca pra karmleńnie, Maryna karystałasia małakaadsosam.
Zhadvajučy, jak kalažanki malavali płakaty, a jana paralelna scedžvała małako z hrudziej, Maryna nie moža strymać śloz.
«Mnohija biełaruski zrabili svoj vybar i zapłacili canu. Dla mianie hety pradmiet — pra sieparacyju, bo ja nie tolki maci, ja — aktyvistka, jakaja zmahajecca nie tolki svaje pravy, ale i za pravy svajoj dački i inšych dziaŭčat».
Cyvilnaje adzieńnie Maryi Zajcavaj
Siabry Maryi zhadvajuć, što jana nikoli nie chadziła ŭ sukienkach ci spadnicach — na žal, u jaje ŭžo nie budzie mahčymaści navat pasprabavać. U studzieni 2025‑ha 24‑hadovaja dziaŭčyna zahinuła, vajujučy na baku Ukrainy suprać Rasii.
Na kantraście z formaj z kałonij, jakuju taksama možna pabačyć u muziei, heta adzieńnie volnaj biełaruski, jakaja zmahałasia za svabodu na pratestach-2020 i praciahnuła zmahacca ŭžo va Ukrainie, staŭšy snajpierkaj.
U Muziei Volnaj Biełarusi vy zmožacie pahladzieć jašče na šmat inšych ekspanataŭ — kožny ź ich — vielmi asabistaja historyja jak kankretnaj asoby, tak i krainy. U tym liku na vystavie pakazany rečy ad piśmieńnicy Śviatłany Kurs, aktrysy Julii Šaŭčuk, piensijanierki-błohierki Alaksandry Chanievič, byłych palitźniavolenych. Supracoŭniki adznačyli, što novyja ekspanaty žančyny praciahvajuć danosić naŭprost ciapier.
Vystava «Kropka ŭvachodu: sprava žančyn» praciahnie pracu da 12 krasavika.
«U nas było ŭsio. Akramia prava na kachańnie». Kachanaja biełaruski Maryi Zajcavaj, jakaja zahinuła za Ukrainu, raskazała ich historyju
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Dla biełaruskich uładaŭ ja, chutčej, mahčymaść, a nie pahroza». Kaleśnikava dała vialikaje intervju Zołatavaj
Ciapier čytajuć
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec26
Pieraściarohi pierad «novymi Žytkavičami». Kijeŭ darma bačyć pahrozu ŭ budaŭnictvie mastoŭ cieraz Prypiać i Muchaviec
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1818
Kamientary