Na svabodzie palitźniavolenaja Natalla Levaja. Jana ciažarnaja, pa płanie naradžać u sakaviku
Žančynu aryštavali na miažy paśla viartańnia ŭ Biełaruś.
Palitźniavolenaja fotailustratarka z Bresta Natalla Levaja za kratami z maja 2024 hoda. Jana viartałasia z Polščy, kali jaje zatrymali za danaty.
Kalehi adhavorvali žančynu viartacca dadomu, ale jana skazała, što mocna sumuje pa radzimie dy ŭžo spłaciła ŭ kratnym pamiery danaty za 2020‑y i maje papieru ad KDB.
Natallu asudzili na šeść hadoŭ kałonii va ŭmovach ahulnaha režymu. Akramia hetaha, jaje aštrafali na 1000 bazavych vieličyń (40 tysiač rubloŭ) — amal na takuju sumu, jakuju Natalla zadanaciła ŭ inicyjatyvy i fondy.
Natallu Levuju pryznali vinavataj pavodle nastupnych artykułaŭ Kryminalnaha kodeksa: č. 2 art. 361‑1 (finansavańnie ekstremisckaj dziejnaści), č. 2 art. 361‑3 (finansavańnie ŭdziełu na terytoryi zamiežnaj dziaržavy ŭ vajennych dziejańniach) i art. 361‑2 (finansavańnie dziejnaści ekstremisckaha farmavańnia).
U kałonii paśla spatkańnia z mužam žančyna zaciažaryła.
«Bolš za ŭsio siońnia mianie chvaluje Nataša Levaja. Adbyŭsia cud: paśla spatkańnia z mužam jana zaciažaryła. Da hetaha para doŭhi čas nie mahła zavieści dziaciej. Naradžać Natašy prykładna ŭ sakaviku. Tak chočacca, kab heta adbyłosia ŭ inšych umovach», — pisała ŭ sacsietkach byłaja palitźniavolenaja, hałoŭny redaktar Tut.by Maryna Zołatava.
Alaksandr Łukašenka padpisaŭ ukaz ab pamiłavańni Natalli Levaj.
Ciapier čytajuć
Biełarusaŭ pa viartańni damoŭ na miažy ŭsio čaściej raździavajuć dahała14
Biełarusaŭ pa viartańni damoŭ na miažy ŭsio čaściej raździavajuć dahała
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2727
Kamientary
[Zredahavana]