Pravieryć košt kvatery anłajn možna ciapier nie tolki ŭ Minsku
Servis pravierki realnaha koštu kvater ad Nacyjanalnaha kadastravaha ahienctva zapracavaŭ u abłasnych centrach.
Nacyjanalnaje kadastravaje ahienctva pašyryła hieahrafiju svajho servisu aŭtamatyčnaj acenki rynačnaha koštu kvater. Ciapier daviedacca aryjencirovačnuju canu nieruchomaści anłajn možna nie tolki ŭ Minsku, ale i va ŭsich abłasnych haradach Biełarusi, piša sb.by.
Hałoŭnaja fiška instrumienta na bazie štučnaha intelektu ŭ tym, što jon analizuje nie zavyšanyja ceny z abjavaŭ u internecie, a realnyja sumy kupli-prodažu z aficyjnaha rejestra ździełak.
Pry raźliku madel uličvaje bolš za 15 charaktarystyk — ad płoščy i materyjału ścien da najaŭnaści ramontu i blizkaści parkaŭ ci mietro.
Dla typavych kvater pamyłka sistemy składaje ŭsiaho 5—7%, što robić servis vydatnym biaspłatnym aryjenciram jak dla pradaŭcoŭ, tak i dla pakupnikoŭ, jakija žadajuć pravieryć adekvatnaść rynkavaj cany za niekalki chvilin.
Kamientary