Biełarus pakazaŭ, jak zmahajecca z kałaradskimi žukami pry dapamozie pyłasosa VIDEA
Žychar Vilejki Ihar Kicikaŭ pakazaŭ u tyktoku niezvyčajny sposab baraćby z kałaradskimi žukami na bulbie. Zamiest taho kab źbirać škodnikaŭ uručnuju abo vykarystoŭvać chimičnyja srodki, jon uziaŭ zvyčajny pyłasos i prosta prajšoŭsia im pa bulboŭniku. Takim čynam žuki razam ź ličynkami apynulisia ŭnutry pyłasosa, piša Kraj.by.
Videa chutka nabrała papularnaść i vyklikała aktyŭnaje abmierkavańnie. Častka karystalnikaŭ pachvaliła aŭtara za kiemlivaść i adznačyła, što taki sposab dazvalaje chutka ačyścić hradki biez vykarystańnia insiektycydaŭ. Inšyja ž pastavilisia da idei z humaram, zaŭvažyŭšy, što na elektraenierhiju moža być vydatkavana bolš hrošaj, čym kaštuje sam uradžaj bulby.
Niahledziačy na roznyja mierkavańni, niezvyčajny dačny łajfchak pryciahnuŭ uvahu mnohich aharodnikaŭ i aktyŭna abmiarkoŭvaŭsia. Niekatoryja karystalniki navat pryznalisia, što hatovyja pravieryć hety sposab na svaich učastkach.
Hetyja ptuški mohuć źniščać kałaradskich žukoŭ
Ahradrony na biełaruskich palach: jak bieśpiłotniki źmianiajuć sielskuju haspadarku
U Biełaviežskaj puščy čeznuć viekavyja dubrovy. Navukoŭcy patłumačyli, što adbyvajecca
Myšej u haradach usio ciažej trucić praz adaptacyju da atrut na ŭzroŭni DNK
U čym pryčyna našeścia žukoŭ pad Minskam?
Kamientary