Myšej u haradach usio ciažej trucić praz adaptacyju da atrut na ŭzroŭni DNK
Myšy ŭ haradach stanoviacca ŭsio bolš ustojlivymi da atrut, jakija dziesiacihodździami vykarystoŭvalisia dla ich źniščeńnia. Da takoj vysnovy pryjšli navukoŭcy z Univiersiteta Rathiersa paśla daśledavańnia na paŭnočnym uschodzie ZŠA.
Daśledčyki praanalizavali DNK 147 damavych myšej i 143 pacukoŭ, złoŭlenych u haradach štataŭ Ńju-Jork, Ńju-Džersi, Piensilvanija i Vašynhton. Asablivuju ŭvahu jany nadali hienu Vkorc1, mutacyi jakoha źviazanyja z ustojlivaściu da antykaahulantnych radentycydaŭ — najbolš raspaŭsiudžanych srodkaŭ dla baraćby z hryzunami.
Vyśvietliłasia, što 84% daśledavanych myšej majuć chacia b adnu mutacyju hetaha hienu, a amal 70% — mutacyi, jakija ŭžo viadomyja svajoj zdolnaściu pavyšać vyžyvalnaść paśla atručvańnia. Siarod pacukoŭ takija hienietyčnyja źmieny vyjavili ŭ 35% asobin.
Navukoŭcy adznačajuć, što śpiecyjalisty pa baraćbie sa škodnikami ŭžo daŭno paviedamlali pra prablemu: u niekatorych rajonach hryzunoŭ stanovicca ŭsio ciažej źniščyć zvyčajnymi mietadami.
Pavodle daśledčykaŭ, myšy adaptujucca chutčej za pacukoŭ. Adna z pryčyn — ich pavodziny. Myšy bolš cikaŭnyja i achvotniej sprabujuć nieznajomuju ježu, u tym liku atručanyja prynady. U vyniku naturalny adbor chutčej zamacoŭvaje ŭ ich karysnyja mutacyi. Pacuki ž bolš aściarožnyja i doŭha praviarajuć novuju ježu pierad tym, jak jaje pasprabavać.
Akramia ŭžo viadomych mutacyj, navukoŭcy vyjavili niekalki novych hienietyčnych varyjantaŭ, jakija raniej nie sustrakalisia ni ŭ myšej, ni ŭ pacukoŭ. Ich upłyŭ na ŭstojlivaść da atrut jašče treba vyvučyć.
Aŭtary daśledavańnia padkreślivajuć, što rost ustojlivaści hryzunoŭ da atrut moža stać surjoznaj prablemaj dla hramadskaha zdaroŭja, bo myšy i pacuki pieranosiać chvaroby, parazitaŭ i nanosiać škodu budynkam i infrastruktury. Tamu dla baraćby ź imi nieabchodna vykarystoŭvać bolš navukova abhruntavanyja i kompleksnyja mietady kantrolu.
Na aŭstralijskim vostravie zdoleli vyniščyć usich myšej i pacukoŭ. Pryroda pačała adnaŭlacca
Navukoŭcy navučylisia zmušać tkanki myšy zapuskać praces rehienieracyi, jak u jaščarak
Ci žyvuć u minskim mietro vielizarnyja pacuki?
«Pisk taki, nibyta ich tam tysiačy». Adzin z damoŭ Viciebska apanavali pacuki
U Zasłaŭi čałaviek sotniami razvodzić u kvatery pacukoŭ. Susiedzi stohnuć i skardziacca
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale6
Kamientary