ZŠA za dva tydni ŭdaraŭ pa Iranie skarystali zapasy, raźličanyja na niekalki hadoŭ
Pavodle infarmacyi vydańnia Financial Times, ZŠA za pieršyja dva tydni udaraŭ pa Iranie vykarystali značnuju častku zapasaŭ važnych bojeprypasaŭ, jakija pieršapačatkova byli raźličanyja na niekalki hadoŭ. Pra heta paviedamili krynicy, znajomyja ź situacyjaj. Siarod inšaha havorka idzie pra dalnabojnyja rakiety «Tamahaŭk».
Pavodle padlikaŭ Centra stratehičnych i mižnarodnych daśledavańniaŭ, tolki za pieršyja 100 hadzin bajavych dziejańniaŭ amierykanskija vojski vypuścili 168 takich rakiet. Adzin z kanhresmienaŭ adznačyŭ, što heta vielmi vialikaja kolkaść i na adnaŭleńnie takich zapasaŭ mohuć spatrebicca hady.
Čakajecca, što Pientahon u najbližejšyja dni źvierniecca ŭ Bieły dom i Kanhres z aficyjnaj prośbaj vydzielić dadatkovaje vajskovaje finansavańnie ŭ pamiery kala 50 miljardaŭ dalaraŭ.
Raniej paviedamlałasia, što tolki za pieršyja šeść dzion vajny ź Iranam vydatki ZŠA skłali nie mienš za 11,3 miljarda dalaraŭ. Hetyja ličby byli ahučanyja na zakrytym bryfinhu ŭ Kanhresie.
U toj ža čas pres-sakratarka Biełaha doma Kerałajn Levit zajaviła, što ŭ amierykanskich uzbrojenych sił dastatkova zbroi i bojeprypasaŭ, kab vykanać zadačy apieracyi suprać Irana, pastaŭlenyja prezidentam Donaldam Trampam.
Ciapier čytajuć
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
Jura ( ...) Levitan pry Džuhašvili ( hołas maju na ŭvazie astatniaje ..śpiskaŭ chapaje))
Vrah budiet raźbit pobieda budzie za nami