U «Biellehpramie» patłumačyli, čamu nie treba zvažać na canu biełaruskich tavaraŭ
Namieśnica staršyni kancerna «Biellehpram» Natalla Maroz ŭ efiry «Pieršaha infarmacyjnaha telekanała» paviedamiła, što biełaruskija tavary nie tannyja tamu, što pry ich stvareńni heta i nie vynosicca na pieršy płan.
Pa słovach Natalli Maroz, u kalekcyjach kancerna jość adzieńnie na luby hust i dla luboha modnika. Svoj tavar tut moža znajści kožny pakupnik.
Hałoŭnaja zadača dla biełaruskich vytvorcaŭ pradukcyi lohkaj pramysłovaści — zabiaśpiečyć nie košt, a jakaść:
«Kali my kažam pra hatovy pradukt i składniki hatovaha praduktu na prykładzie kaściuma, to biełaruski lehpram zasiarodžany na naturalnaści, i ad hetaha zaležyć pierš za ŭsio košt tkaniny».
Da taho ž u kancernie chočuć płacić svaim supracoŭnikam dobryja zarobki, što taksama ŭvachodzić u sabiekošt. A toj abjom pradukcyi, jaki robiać u azijackich krainach, u Biełarusi ŭsio adno nie paciahnuć, i niama čaho da hetaha imknucca:
«Naš šlach i naša meta — usio ž taki vyrablać pradukt z bolš vysokaj dadatkovaj vartaściu».
Chto toj homielski hiendyrektar pradpryjemstva, jakoha vinavaciać u miljonnych machinacyjach
Što budzie z «Biełviestam», jaki maje miljonnyja daŭhi?
Bujnyja handlovyja sietki abaviažuć mieć palicy z pradukcyjaj kancerna «Biellehpram»
Što narod dumaje pra Łuhinu i «Kamvol»
Prodažy biełaruskich adzieńnia i abutku ŭ Rasii mocna padajuć. U «Biellehpramie» patłumačyli čamu
Stylistka prakamientavała školnuju formu «Biellehprama» — a vam jak? ŠMAT FOTA
«Biellehpram» pradstaviŭ abutak «dla sapraŭdnych patryjotaŭ» Biełarusi
Kamientary