Bujnyja handlovyja sietki abaviažuć mieć palicy z pradukcyjaj kancerna «Biellehpram»
Na naradzie ŭ kancernie «Biellehpram» abmierkavali, jak pavialičyć prysutnaść biełaruskaj pradukcyi na palicach bujnych handlovych sietak, paviedamlaje BiełTA.
Pavodle dziejnych na siońniašni dzień patrabavańniaŭ, usie roźničnyja kramy pavinny mieć u prodažy tavary ajčynnaj lohkaj pramysłovaści, adnak na praktycy heta vykonvajecca nie ŭsiudy. Kramy časta pieravahu addajuć zamiežnym vytvorcam, a biełaruskija tavary raźmiaščajuć na mienš prykmietnych miescach.
Niadaŭna pryznačanaja novaja staršynia kancerna Nadzieja Łazarevič adznačyła, što dola biełaruskich tavaraŭ u viadomych sietkach — «Jeŭraopt», «Santa», «Susiedzi» — składaje ŭsiaho 0,2% ad ahulnaha abjomu pastavak, što vielmi mała. Naprykład, Baranavickaje vytvorčaje bavaŭnianaje abjadnańnie i Aršanski lnokambinat za dzieviać miesiacaŭ pastavili ŭ adnu z najbujniejšych sietak pradukcyi tolki na 70 tysiač rubloŭ, chacia štomiesiac vyrablajuć tavaru na bolš čym 8 miljonaŭ rubloŭ.
«Važna damovicca pra kankretnyja płany pastavak na astatniuju častku hoda i padrychtavać prapanovy pa zahruzcy pradpryjemstvaŭ, raźvićci pastavak na 2026 hod», — padkreśliła Łazarevič.
U sustrečy ŭdzielničali i pradstaŭniki staličnych univiermahaŭ, jakija ŭžo majuć dośvied pracy z ajčynnymi vytvorcami.
Pavodle słoŭ kiraŭnicy kancerna, «Biellehpram» płanuje inicyjavać źmieny ŭ pastanovu №74, kab u kramach płoščaj bolš za 500 kvadratnych mietraŭ abaviazkova była asobnaja palica z tavarami biełaruskaj lohkaj pramysłovaści.
Asablivuju ŭvahu prapanujecca źviarnuć na pradukcyju Dobrušskaha farforavaha zavoda, a taksama na pałatnianyja vyraby, ručniki i pledy, jakija pakul mała pradstaŭlenyja ŭ sietkach.
Pa vynikach narady padrychtujuć kankretnyja prapanovy pa pavieličeńni prodažaŭ ajčynnaj lohkaj pramysłovaści ŭ krainie.
Čamu ŭsio, za što biarecca Łukašenka, pravalvajecca
Što narod dumaje pra Łuhinu i «Kamvol»
Nadzieja Łazarevič bolš nie namieśnica mera Minska
Prodažy biełaruskich adzieńnia i abutku ŭ Rasii mocna padajuć. U «Biellehpramie» patłumačyli čamu
Stylistka prakamientavała školnuju formu «Biellehprama» — a vam jak? ŠMAT FOTA
«Biellehpram» pradstaviŭ abutak «dla sapraŭdnych patryjotaŭ» Biełarusi
Kamientary
Treba kožnamu čynoŭniku pad padpisku 2 kaściumy nabyvać i palito.
Kožnym razam, kali novaja kalekcyja.
Nie nabyŭ - nie atrymaŭ premii.
I pradpryjemstvy pracujuć, i ŭsie buduć u vykankamach modniki i modnicy.
Z pradažy našaha barachła atrymlivajećcie svoj % bonus premiju
A " biellehpram" ničoha ni zdolna prapanavać
Jak Vy ličycie Čto abiare "mieniedžer"???
Padobnaja formuła dziejničała i 30 hod tamu))) Viedaju ab čym kažu)))