Ciapier na pradpryjemstvie pracujuć kala 1700 supracoŭnikaŭ.
U studzieni 2026 hoda Ekanamičny sud Viciebskaj vobłaści pryznaŭ «Biełviest» ekanamična niepłaciežazdolnym. Ciapier fabryku čakaje sanacyja.
Na STB raskazali, što «Biełviest» płanuje zakryć usie daŭhi i stabilizavać finansavaje stanovišča za try hady.
«Nie zakładvajecca ŭ płan sanacyi dadatkovaje pryciahnieńnie bankaŭskich kredytaŭ, naroščvańnie daŭhoŭ. U dadzienym vypadku my raźličvajem na zarobleny prybytak u pieršuju čarhu», — skazaŭ Mikałaj Mironaŭ, antykryzisny kiraŭnik «Biełviest».
Daŭhoŭ na pradpryjemstvie — bolš čym na 32 miljony rubloŭ, vyśvietliła raniej «Lusterka».
Taksama abutkovaja fabryka šukaje novyja rynki zbytu. Niadaŭna delehacyja była ŭ Mjanmie.
Fabryka «Biełviest» była zasnavana ŭ 1988 hodzie ŭ Viciebsku pry ŭdziele niamieckaha kancerna Salamander — heta pieršaje sumiesnaje pradpryjemstva z zachodnim kapitałam na terytoryi tady jašče savieckaj Biełarusi. Z 2003 hoda siarod zasnavalnikaŭ byli kancern «Biellehpram» i rasijskaje ZAT «Paliteks», jakoje ŭ 2011 hodzie źmianiła TAA «Inviestpram». U 2019 hodzie dziaržaŭnuju dolu ŭ pamiery 55% pradali TAA «Hrupa Biełviest», astatnija 45% zastalisia ŭ rasijan.
Ciapier na pradpryjemstvie pracujuć kala 1700 supracoŭnikaŭ.
Kamientary