Evakujavanyja 10 tysiač čałaviek.
Vynikam mocnaha ziemlatrusu na poŭdni Japonii, na vostravie Kiusiu, jaki adbyŭsia ŭ aŭtorak, stała hibiel prynamsi 13 čałaviek, paviedamiła premjer-ministr krainy Sanae Takaici, piša Bi-bi-si.
Pavodle danych uładaŭ prefiektury Kumamota, dzie adbyłasia trahiedyja, evakujavanyja amal 10 tysiač čałaviek. Biez elektrazabieśpiačeńnia zastalisia kala 37 tysiač chatnich haspadarak.
Raniej paviedamlałasia pra hibiel dźviuch žančyn, jakija znachodzilisia ŭ handlovym centry Aeon Mall u Kumamota, što abrynuŭsia. Jašče adzin čałaviek pamior u vyniku spynieńnia serca.
Mahnituda ziemlatrusu, jaki adbyŭsia ŭ hłybini vostrava Kiusiu ŭ 16:27 pa miascovym časie ŭ aŭtorak (10:27 pavodle Minska), skłała 7,1.
Vystupajučy pierad žurnalistami ŭ svaim ofisie ŭ Tokia nieŭzabavie paśla trahiedyi, Sanae Takaici zajaviła, što ŭ vyniku stychii byli paškodžanyja darohi i masty.
«Pa prośbie hubiernatara prefiektury Kumamota Siły samaabarony ciapier pravodziać apieracyi ŭ paciarpiełych ad stychijnaha biedstva rajonach siłami 3600 čałaviek. U hetaj krytyčnaj situacyi, kirujučysia pryncypam «žyćcio čałavieka — najvyšejšaja kaštoŭnaść», my ciesna supracoŭničajem ź miascovymi ŭładami, kab maksimalna źmienšyć maštab nastupstvaŭ i zabiaśpiečyć biaśpieku nasielnictva».
Japonskaje mietearałahičnaje ahienctva papiaredziła pra mocnyja afteršoki ŭ suviazi ź nievialikaj hłybinioj ačaha ziemletrasieńnia — 10 km. Pavodle infarmacyi ahienctva, u aŭtorak paśla asnoŭnaha šturška byŭ zafiksavany 61 afteršok.
Razam sa škałoj mahnitudy ŭ Japonii vykarystoŭvajecca ŭłasnaja škała siejśmičnaj intensiŭnaści, jakaja varjirujecca ad 0 da 7. Šturški nulavoj intensiŭnaści ludzi nie adčuvajuć, a intensiŭnaść 7 aznačaje, što mebla zrušvajecca ź miesca, a budynki ź nizkaj siejsmaŭstojlivaściu mohuć abrynucca.
-
«Bolš nie budzie tak, što pakutuje tolki kraina, na jakuju napali». Zialenski adkazaŭ na zaklik Trampa spynić vajnu
-
Rasijskich ahientaŭ z telehram-kanała «Rybaŕ» zaŭvažyli za praviadzieńniem zdymak u Jeŭropie. Paśla vykryćcia jany ŭciakli
-
Tramp zajaviŭ, što pracuje nad kalijnaj ździełkaj ź Biełaruśsiu. Uhnajeńni majuć być tańniejšyja za kanadskija
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj29
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary