Košt kvadratnaha mietra žylla ŭ Minsku z pačatku hoda vyras bolš jak na čverć
Dziaržaŭny kamitet pa majomaści padvioŭ vyniki pieršaha paŭhodździa 2026 hoda na rynku žylla Minska. Niahledziačy na skaračeńnie kolkaści ździełak kupli-prodažu, ceny na kvatery praciahvajuć raści. Śpiecyjalisty tłumačać heta najpierš deficytam prapanoŭ.
Za pieršyja šeść miesiacaŭ hoda kolkaść ździełak skaraciłasia na 17 pracentaŭ — prykładna na 1200 u paraŭnańni z anałahičnym pieryjadam minułaha hoda. U červieni było zaklučana 1083 damovy kupli-prodažu, što adpaviadaje siarednim pakazčykam krasavika i maja.
Pry hetym ahulnaja suma kuplaŭ pavialičyłasia na 5 pracentaŭ i dasiahnuła 689,8 miljona dalaraŭ. Adnačasova ahulnaja płošča pradadzienaha žylla źmienšyłasia na 17 pracentaŭ.
Siaredni košt kvadratnaha mietra na druhasnym rynku za hod vyras na 27 pracentaŭ. U siarednim kvadratny mietr u adnapakajovych kvaterach ciapier kaštuje 2370 dalaraŭ, u dvuchpakajovych — 2120 dalaraŭ, u trochpakajovych — 1970 dalaraŭ.
Samy vysoki košt kvadratnaha mietra zafiksavany ŭ Centralnym rajonie Minska — kala 2600 dalaraŭ. Najbolš aktyŭnym pa kolkaści ździełak staŭ Kastryčnicki rajon, dzie za paŭhodździe było zaklučana 621 pahadnieńnie.
Popyt na novabudoŭli krychu źniziŭsia. Ich dola ŭ ahulnaj kolkaści ździełak skaraciłasia z 30 da 25 pracentaŭ, a ŭdzielnaja vaha pieršasnaha rynku viarnułasia da zvyčajnaha ŭzroŭniu ŭ miežach 9—12 pracentaŭ.
Ekśpierty źviazvajuć rost cen z dastupnaściu kredytaŭ, pavieličeńniem dachodaŭ nasielnictva i adnosna stabilnym kursam biełaruskaha rubla. Jašče adnoj važnaj pryčynaj nazyvajuć istotnaje źmianšeńnie kolkaści kvater, vystaŭlenych na prodaž. Za hod abjom prapanoŭ skaraciŭsia z 6,8 tysiačy da 4,5 tysiačy abjektaŭ.
U Dziaržaŭnym kamitecie pa majomaści adznačajuć, što ciapier ceny na rynku vyznačajucca nie tolki popytam, ale i vostrym deficytam vybaru. Pavodle acenki viedamstva, pakul zachoŭvajucca rost dachodaŭ, dastupnaść kredytaŭ i niedachop prapanoŭ, pieradumoŭ dla źnižeńnia koštu žylla ŭ Minsku niama.
Rastaropny mahilaŭčuk pierapisaŭ kvatery na svajakoŭ, kab nie viartać doŭh
Zamiest zajaŭlenych šmatdzietnych siemjaŭ u novabudoŭlu ŭ Minsku zasialajuć achoŭnikaŭ Łukašenki
Biełaruska budavała ŭ Rasii kvateru, ale farmalna aformiła ipateku na stryječnuju siastru. I zastałasia la raźbitaha karyta
Pravieryć košt kvatery anłajn možna ciapier nie tolki ŭ Minsku
Kamientary