Žychary Minska źviarnuli ŭvahu, što na praśpiekcie Niezaležnaści na miescach dreŭ, jakija byli zrezanyja, rabočyja pačali ŭkładvać tratuarnuju plitku. Heta vyklikała aktyŭnaje abmierkavańnie ŭ sacyjalnych sietkach, piša ahienctva «Minsk-Naviny».
Adzin z karystalnikaŭ Threads apublikavaŭ fatahrafiju z podpisam nakont taho, što zamiest dreŭ źjaviłasia plitka. Publikacyja za sutki nabrała kala 80 tysiač prahladaŭ i bolš za 250 kamientaryjaŭ. Mnohija minčanie vykazali škadavańnie z nahody źniknieńnia zialonych nasadžeńniaŭ i adznačyli, što raniej centralnyja vulicy stalicy byli značna bolš azialenienyja.
Niekatoryja karystalniki prapanoŭvali nie zamianiać drevy plitkaj, a stvarać kłumby z šmathadovymi raślinami, jakija nie patrabujuć składanaha dohladu i mahli b upryhožyć horad.
U «Minskzialenbudzie» rastłumačyli, što prablema była źviazanaja z umovami rostu dreŭ uzdoŭž praśpiekta Niezaležnaści. Pavodle śpiecyjalistaŭ, karaniovyja sistemy dreŭ znachodzilisia ŭ abmiežavanaj prastory, što rabiła ich bolš uraźlivymi da niespryjalnych faktaraŭ.
Siarod asnoŭnych pryčyn nazyvali technahiennaje zabrudžvańnie pavietra, uździejańnie chimičnych rečyvaŭ, supraćhałalodnych reahientaŭ u zimovy pieryjad, vykidy ad transpartu i vialikuju nahruzku ad intensiŭnaha ruchu ludziej.
Na pradpryjemstvie adznačyli, što dla zachavańnia dreŭ raniej pravodzilisia roznyja mierapryjemstvy: rehularny paliŭ, praliŭ hleby, abmyvańnie kronaŭ i stvałoŭ, karaniovaja i pazakaraniovaja, padkormka, a taksama abarona stvałoŭ u zimovy pieryjad. Adnak hetyja miery nie zmahli spynić masavaje admirańnie častki nasadžeńniaŭ.
U vyniku było pryniata rašeńnie vysadžvać drevy nie niepasredna ŭ ziamlu, a ŭ śpiecyjalnyja vazony. U «Minskzialenbudzie» ličać, što taki sposab dazvolić lepš zachavać zialonyja nasadžeńni na praśpiekcie.
Pieršyja vazony ź lipami płanujuć pačać stavić užo na hetym tydni.
Čamu ŭ Minsku sochnuć drevy i što z hetym sprabujuć rabić
Parečki, vinahrad i navat piersiki. Minski piensijanier vysadziŭ mini-sad kala svajho padjezda
Minčuk aburyŭsia, što ŭ horadzie pazasychali maładyja jalinki. «Zielanbud» adkazaŭ: u hetym vinavaty sabačniki
U Minsku masava chvarejuć kaštany. U čym pryčyny i ci možna što z hetym zrabić?
Ciapier čytajuć
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu7
Zatrymali čarhovaha čałavieka hoda Viciebščyny, deputata Viciebskaha abłsavieta Dźmitryja Kalahu
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich1919
«Dzima, moj mikraskop za paŭmiljona jeŭra staić u tvajoj klinicy. Abstalavańnie skraŭ ty». Zasnavalnik «Novaha zroku» raskazaŭ pra adnosiny ź siamjoj Abielskich19
«Da lejtenanta pryjechała maładaja žonka, pabačyła, što adbyvajecca ŭ zonie, i zastreliłasia». Vyjšła zaklučnaja častka ŭspaminaŭ Ryhora Biarozkina pra HUŁAH i saviecki Minsk1818
Kamientary
[Zredahavana]