U Minsku drevy čaściej za ŭsio zasychajuć praź niespryjalnyja ŭmovy haradskoha asiarodździa. Jak adznačaje namieśnica hienieralnaha dyrektara pa ŭparadkavańni i ŭtrymańni abjektaŭ zialonaj haspadarki «Minskzielanbuda» Kaciaryna Karotkina, asnoŭnymi pryčynami stanoviacca zabrudžvańnie i zasaleńnie hleby, a taksama niedachop miesca dla raźvićcia karaniovaj sistemy, piša ahienctva «Minsk-Naviny».
Asabliva składana drevam, jakija rastuć uzdoŭž bujnych mahistralaŭ. Tam ich karani znachodziacca ŭ abmiežavanaj prastory, što robić raśliny bolš uraźlivymi da niehatyŭnaha ŭździejańnia navakolnaha asiarodździa.
Na stan dreŭ taksama ŭpłyvajuć zasuchi, zamarazki, supraćhałalodnyja reahienty, vysokija tempieratury nad inžyniernymi kamunikacyjami, padtapleńni paśla mocnych daždžoŭ i asfaltavaje pakryćcio, jakoje pieraškadžaje pastupleńniu pavietra i vilhaci da karanioŭ.
Dla zachavańnia zialonych nasadžeńniaŭ u horadzie rehularna ahladajuć drevy, praviarajuć stan hleby, pramyvajuć jaje ad nazapašanych solaŭ, palivajuć raśliny, apracoŭvajuć ich ad škodnikaŭ i chvarob, a taksama ŭnosiać uhnajeńni. Uzimku kamli abaraniajuć ad soli śpiecyjalnym materyjałam, a letam staviać achoŭnyja ščyty, kab nie paškodzić karu padčas skošvańnia travy.
Asablivaja ŭvaha nadajecca maładym drevam i nasadžeńniam uzdoŭž asnoŭnych vulic i praśpiektaŭ.
Kali dreva całkam zahinuła abo ŭjaŭlaje niebiaśpieku dla ludziej, jaho vydalajuć u adpaviednaści z patrabavańniami zakanadaŭstva. Samavolna śpiłoŭvać drevy abo paškodžvać kustoŭje zabaroniena — za heta praduhledžana administracyjnaja adkaznaść.
Azijacki žuk-zabojca prajšoŭ praz Rasiju i Ukrainu da Jeŭropy. Jaho ŭžo vyjavili ŭ Biełarusi — pad udaram jasieni
Mane i nie śniłasia. U dendrasadzie kala Naračy možna pabačyć sažałku z harłačykami i bolš za 500 raślin
U Homieli zaŭvažyli «kropielnicy» na drevach u parku. Navošta jany patrebnyja?
U Minsku masava chvarejuć kaštany. U čym pryčyny i ci možna što z hetym zrabić?
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju88
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju8
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary
Dadajcie fota z taho ž Amsterdama kab možna było pabačyć jak tam kvitniejuć sady i jak heta mocna adroźnivajecca ad saŭhasnaha čyrvoha-zialenaha ahratrešu pry łukašenku.
[Zredahavana]
Tak zvanaje "azialanieńnie" pa łukašenaŭski.
I tak va ŭsich śfierach.