Ekanamičny sud Viciebskaj vobłaści pryznaŭ STAA «Biełviest» ekanamična niepłaciežazdolnym, u dačynieńni da pradpryjemstva ŭviedzienaja pracedura saniravańnia. Pra heta paviedamili ŭ pres-słužbie Viarchoŭnaha suda, piša Office Life.
Sumiesnaje pradpryjemstva «Biełviest» było zasnavana ŭ 1988 hodzie ŭ Viciebsku pry ŭdziele niamieckaha kancerna Salamander — heta pieršaje sumiesnaje pradpryjemstva z zachodnim kapitałam na terytoryi tady jašče savieckaj Biełarusi. Z 2003 hoda siarod zasnavalnikaŭ byli kancern «Biellehpram» i rasijskaje ZAT «Paliteks», jakoje ŭ 2011 hodzie źmianiła TAA «Inviestpram». U 2019 hodzie dziaržaŭnuju dolu ŭ pamiery 55% pradali TAA «Hrupa Biełviest», astatnija 45% zastalisia ŭ rasijan.
Z materyjałaŭ spravy vynikaje, što ryzyka bankructva rezka ŭzrasła z vysokaj da krytyčnaj za pieršyja siem miesiacaŭ minułaha hoda z-za rostu praterminavanych kredytorskich abaviazacielstvaŭ. U 2025 hodzie ŭ «Biełvieście» raspracavali miery pa papiaredžańniu niepłaciežazdolnaści i bankructva, hałoŭny efiekt raźličvali atrymać praz realizacyju finansavych mierapryjemstvaŭ. Adnak pieramovy z bankami ab pierahladzie terminaŭ vypłaty pracentaŭ pa kredytach nie dali vyniku.
Uletku Viciebski abłvykankam pryznačyŭ na pradpryjemstva źniešniaha ŭpraŭlajučaha, pry hetym mieniedžmient «Biełviesta» zastaŭsia na miescy. Pavodle słoŭ namieśnicy staršyni abłvykankama Anžaliki Nikicinaj, za letnija miesiacy ŭdałosia pahasić zapazyčanaść pa padatkach i zborach, a taksama pierad FSAN, stabilizavać vykanańnie ciapierašnich finansavych abaviazacielstvaŭ, u pieršuju čarhu pierad rabotnikami. Adnak nakoplenyja zapazyčanaści stvarali prablemy ŭ apieracyjnaj dziejnaści i błakavali raźvićcio.
U vieraśni minułaha hoda vytvorca abutku sam źviarnuŭsia ŭ sud z zajavaj ab niepłaciežazdolnaści. Siarod prykmiet nazvali źnižeńnie abjomaŭ vytvorčaści, rost składskich zapasaŭ, pavieličeńnie zapazyčanaści da 259 miljonaŭ rubloŭ i niemahčymaść jaho absłuhoŭvańnia.
Pa vykanaŭčych dakumientach pradpryjemstva pavinna vypłacić bolš za 160 miljonaŭ biełaruskich rubloŭ, 2,5 tysiačy rasijskich rubloŭ i 1,8 miljona juaniaŭ. Pry hetym, jak vynikaje z materyjałaŭ spravy, košt majomaści daŭžnika pieravyšaje 409,6 miljona rubloŭ. U vyniku 15 studzienia hetaha hoda Ekanamičny sud Viciebskaj vobłaści pryznaŭ «Biełviest» ekanamična niepłaciežazdolnym i pryznačyŭ praceduru saniravańnia na try hady.
Na «Biełvieście» razrezali boty, kab pakazać pieravahu biełaruskaha abutku
Sud raspačaŭ spravu ab ekanamičnaj niepłaciežazdolnaści «Biełviesta»
«Doraha i niajakasna». Biełarusy skardziacca na niajakasny abutak ad «Biełviesta» i prablemy ź viartańniem hrošaj
«Adradzić savieckija lehiendarnyja abjomy». Hrodzienskuju abutkovuju fabryku «Nioman» pieradali pad kiravańnie «Biełviesta»
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ32
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1414
Kamientary