Sud raspačaŭ spravu ab ekanamičnaj niepłaciežazdolnaści «Biełviesta»
26 vieraśnia ekanamičnym sudom Viciebskaj vobłaści było razhledžana pytańnie ab finansavaj niepłaciežazdolnaści SAAT «Biełviest». Kampanija, jakaja maje daŭhi bolš za 259 miljonaŭ rubloŭ, inicyjavała sama hety praces, pišuć «Vićbičy».
Sud pryniaŭ rašeńnie ab adkryćci konkursnaj vytvorčaści na čatyry miesiacy. Antykryzisnym kiraŭnikom pryznačana TAA «Bajkoŭ i partniory».
Z 2 lipienia 2025 hoda Viciebski abłvykankam pieradaŭ «Biełviest» pad časovaje źniešniaje kiravańnie, kab stabilizavać situacyju biez sudovaha ŭmiašańnia. Uletku kampanii ŭdałosia pahasić padatkovuju i sacyjalnuju zapazyčanaść, ale ahulny daŭhavy ciažar praciahvaje tarmazić raźvićcio. Dla pieraadoleńnia kryzisu było pryniata rašeńnie inicyjavać sanacyju.
Raspracavany trochhadovy płan sanacyi, uzhodnieny z haradskim vykanaŭčym kamitetam. Meta — finansavaje azdaraŭleńnie i zachavańnie vytvorčaści.
Pavodle namieśnicy staršyni abłvykankama Anžaliki Nikicinaj, hałoŭnaj zadačaj źjaŭlajecca «zachavańnie vytvorčaści i pracoŭnaha kalektyvu». Jana adznačyła, što «Biełviest» maje važnaje značeńnie dla ekanomiki rehijona.
Ciapier čytajuć
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać5
U čym pryčyna niezadavolenaści žycharoŭ mikrarajona Lebiadziny ŭ Minsku? Voś što nasamreč tam płanavali budavać
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary