«Adradzić savieckija lehiendarnyja abjomy». Hrodzienskuju abutkovuju fabryku «Nioman» pieradali pad kiravańnie «Biełviesta»
Hrodzienskaja abutkovaja fabryka «Nioman» pierajšła pad kiravańnie biełaruska-rasijskaha TAA «Biełviest», pieradaje «Zierkało» sa spasyłkaj na telekanał «Hrodna Plus».
Adpaviednyja dakumienty padpisali kiraŭnik horada Miečysłaŭ Hoj i hiendyrektar «Biełviesta» Juryj Sumaniejeŭ. Jany zajavili, što heta daść mahčymaść pavialičyć abjomy vytvorčaści na fabrycy ŭ niekalki razoŭ.
Pieradača «Niomana», adnoj z horadaŭtvaralnych fabryk Hrodna, pad kiravańnie «Biełviesta» — toj redki vypadak, kali pryvatny biźnies biare na siabie adkaznaść za raźvićcio dziaržaŭnaha pradpryjemstva.
Pa słovach staršyni Hrodzienskaha vykankama Miečysłava Hoja, da zaklučeńnia ździełki pryjšłosia pravieści pracu z aktyvami fabryki, aptymizavać terytoryju, źniać nahruzku ŭ vyhladzie sacyjalnaj infrastruktury — ciapier abiacajuć, što pradpryjemstva budzie pracavać tolki na vytvorčaść tradycyjnaj pradukcyi.
— Brend našaj fabryki — heta dziciačy abutak, jaki zapatrabavany na rynku, — kaža Hoj.
Abodva baki zajaŭlajuć, što sumiesnaja vytvorčaść daść mahčymaść pavialičyć abjomy pradukcyi. Hiendyrektar «Biełviesta» Juryj Sumaniejeŭ ličyć, što jany pavinny pavialičycca jak minimum u 2-3 razy da ciapierašnich pakazčykaŭ i «kali nie adradzić tyja savieckija lehiendarnyja abjomy, to nablizicca da ich, kab heta była ŭžo poŭnamaštabnaja bujnaja vytvorčaść, horadaŭtvaralnaje pradpryjemstva dla horada Hrodna».
Taksama jon paabiacaŭ novyja ŭmovy pracy, istotny rost zarobkaŭ i zahruzki pradpryjemstva.
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary