Na «Biełvieście» razrezali boty, kab pakazać pieravahu biełaruskaha abutku
Na viciebskaj fabrycy «Biełviest» vyrašyli nahladna pakazać, čym ich abutak adroźnivajecca ad bolš tannych azijackich anałahaŭ. Kab davieści vyšejšuju jakaść biełaruskaj pradukcyi, rabotniki pradpryjemstva navat razrezali niekalki par abutku, piša Telegraf.news.
U «Biełvieście» padkreślivajuć, što na košt i jakaść abutku ŭpłyvajuć dva hałoŭnyja faktary: materyjały i technałohii vytvorčaści. Azijacki abutak časta tańniejšy, ale, na dumku biełaruskich śpiecyjalistaŭ, heta dasiahajecca za košt ekanomii na syravinie i technałohijach.
Pradstaŭnica technałahičnaha adździeła prademanstravała dva vonkava padobnyja boty i patłumačyła, što «tannyja azijackija madeli» časta robiać nie z paŭnavartasnaj skury, a ź pierapracavanych vałoknaŭ — pa sutnaści, z adkidaŭ. Taki materyjał nakryvajuć poliŭretanavaj plonkaj, jakaja nie prapuskaje pavietra. U vyniku naha ŭ takim abutku «nie dychaje», a sama plonka lohka paškodžvajecca.
Biełaruski ž abutak nibyta robiać z naturalnaj skury, jakaja prapuskaje vilhać i pavietra, tamu naham u im kamfortniej.
Adroźnieńni zakranajuć i technałohiju macavańnia padešvy. Pa słovach technołahaŭ, u «Biełvieście» skuranaja zahatoŭka prachodzić śpiecyjalnuju apracoŭku, što robić sklejvańnie z padešvaj bolš nadziejnym. U mnohich azijackich madelach hetuju stadyju prapuskajuć: padešva trymajecca tolki pa krai, tamu chutčej moža adarvacca.
Kab pakazać roźnicu, na fabrycy razrezali abutak i prademanstravali pakupnikam, jak vyhladaje ŭnutranaja budova roznych madelaŭ.
Ciapier čytajuć
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta10
U Słucku žančynu aštrafavali za pakinutyja kala śmietnicy dobraje adzieńnie i linoleum. Ludzi nie vytrymali, daviedaŭšysia pra heta
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki2323
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki23
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary
Puskaj choť na łapšu ramen ich riežut.