«Doraha i niajakasna». Biełarusy skardziacca na niajakasny abutak ad «Biełviesta» i prablemy ź viartańniem hrošaj
Žycharka Biełarusi apublikavała ŭ tyktoku historyju pra niajakasny zimovy abutak ad firmy «Biełviest». Ekśpiertyza paćvierdziła zavodski brak, ale viartańnie hrošaj zaciahnułasia, piša BG.Media.
Spačatku ŭsio vyhladała dobra: skuranyja, akuratnyja boty zdavalisia jakasnymi. Ale ŭžo viasnoj žančyna zaŭvažyła, što ŭ adnym z botaŭ stała niemahčyma chadzić — akazałasia, što vuściłka pravalvajecca, bo ŭnutry padešvy źjaviłasia pustata.
Žančyna adznačyła, što ŭ kramie joj adkazali: hrošy viernuć «praz padatkovuju», ale dakładnych terminaŭ nie nazvali. U vyniku jana zastałasia biez hrošaj i biez abutku. U paraŭnańni ź inšym biełaruskim vytvorcam — «Marka», dzie hrošy viarnuli adrazu, — u «Biełvieście» praces vyhladaje doŭhim i niezrazumiełym.
Karystalniki tyktoka pačali dzialicca svaimi padobnymi historyjami: chtości čakaje viartańnia hrošaj miesiac, inšyja ŭžo rychtujucca da suda. Jość skarhi na tresnutyja padešvy, skuru, što łopajecca, i farbu, jakaja złazić paśla pieršaha vychadu. Adnak sustrakajucca i pazityŭnyja vodhuki — niekatoryja nosiać abutak «Biełviest» hadami biez prablem.
Niekatoryja vykazvajuć zdahadki, što jakaść pahoršyłasia z-za pieranosu častki vytvorčaści ŭ Kitaj. Pra heta napisaŭ adzin z kamientataraŭ, jaki, pavodle jaho słoŭ, pracuje ŭ sietcy «Biełviest».
Jurysty nahadvajuć: u vypadku vytvorčaha braku abutak možna viarnuć ciaham dvuch hadoŭ, navat biez čeka — hałoŭnaje, mieć paćviardžeńnie pakupki. Kali krama zaciahvaje čas — treba źviartacca ŭ tavarystva abarony pravoŭ spažyŭcoŭ. Usie zajavy majuć padavacca piśmova z patrabavańniem vykanańnia dakładnych terminaŭ ich razhladu.
Što apranać u samalot, a što — ni ŭ jakim razie: parady ściuardesy
Praŭładnaja błohierka z Barysava paprasiła padpisčykaŭ padzialicca prablemnymi pytańniami. I joj ich nakidali
Šlopancy na abcasie — hałoŭny trend abutku viasny i leta 2025
Ozon dazvoliŭ biełarusam apłačvać adzieńnie paśla jaho prymierki
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy28
Kamientary
špacyravała niejak mima Biełviesta. paraŭnalisia sa mnoj minaki, i ja niavolna čuju ich razmovu. adzin mužčyna kaža druhomu:
- mo zojdziem u Biełviest?
na što druhi:
- viedaju ja hety B**viest. adzin raz nabudzieš B**viest, nohi skryviacca pad jaho, i ŭsio žyćcio potym vymušany budzieš kuplać B**viest