Što apranać u samalot, a što — ni ŭ jakim razie: parady ściuardesy
Amierykanskaja ściuardesa padzialiłasia paradami, jakich varta prytrymlivacca padčas palotaŭ. Jana raskazała, što ŭ sałonach samalotaŭ možna lohka padčapić infiekcyju, tamu niekatoryja rečy lepš pakinuć u čamadanie.
Ci zadumvalisia vy kali-niebudź, što nadziavajecie ŭ samalot? Paśla paradaŭ ściuardesy Šerył Kiłaf u TikTok mnohija pačali pierahladać svaje treveł-łuki. Jaje hałoŭnaja parada — zakryvajcie skuru i nie dakranajciesia da padłohi.
Što nie varta apranać u samalot
1. Kambiniezony — adnaznačna nie. Navat kali heta vaš ulubiony letni varyjant.
«Hety kambiniezon u kvietački stanie prosta hubkaj. Jon skončyć na padłozie ŭ prybiralni, prosta pramoknie», — kaža Kiłaf.
2. Šorty — na dumku ściuardesy, heta pramaja daroha da prablem sa skuraj.
«Ludzi mianiajuć brudnyja padhuźniki prosta na siadzieńniach. I blujuć taksama. Vy prosiciesia na streptakok ci stryhučy lišaj, kali apranajecie šorty».
3. Sandali — tak, nohi lepš zakryć.
«Na hetym dyvanovym pakryćci ludzi i blujuć, i voziać chatnich žyvioł, i truć ab jaho bosyja stupni. Ja b nikoli nie chacieła, kab maje palcy byli pobač z hetym», — papiaredžvaje jana.
4. Majki biez rukavoŭ, topy na šlejkach — nie tolki z hihijeničnych, ale i z tempieraturnych pryčyn.
«U samalotach choładna. I z punktu hledžańnia prystojnaści lepš pamylicca ŭ bok ścipłaści», — dadaje ściuardesa.
«Nie nienavidźcie mianie. Ja nie tradycyjanalistka-žonka», — udakładniaje jana z humaram.
Što varta apranać u samalot
Styl palotu pavinien być praktyčnym i šmatsłajovym.
Kiłaf rekamienduje:
- zakryty abutak i škarpetki;
- doŭhija štany abo spadnicu;
- bazavuju majku ci futbołku;
- ciopły słoj źvierchu (śviter, chudzi, płašč).
«Adna žančyna pierahrełasia na borcie, i nam pryjšłosia źniać ź jaje adzieńnie. Jana zastałasia tolki ŭ biusthaltary — bolš ničoha nie mieła na sabie», — raskazvaje ściuardesa, tłumačačy, čamu važna mieć niekalki słajoŭ adzieńnia.
Kamientary