Raźvićcio rovarnaj infrastruktury ŭ Minsku adbyvajecca paetapna ŭ ramkach Kancepcyi raźvićcia viełasipiednaha ruchu da 2030 hoda. Zhodna ź joj, da 2030 hoda ŭ horadzie płanujecca stvaryć da 380 kiłamietraŭ asnoŭnych viełamaršrutaŭ.
Adnym z najbujniejšych prajektaŭ stanie stvareńnie sučasnaj viełasipiednaj infrastruktury ŭ šmatfunkcyjanalnym kompleksie «Paŭnočny bierah», piša Onliner.by.
Prajekt stvoryć novy maršrut u paŭnočnaj častcy Minska i złučyć dźvie hałoŭnyja viełasipiednyja mahistrali:
- viełamaršrut uzdoŭž raki Śvisłač — ad Čyžoŭskaha vadaschovišča da Minskaha mora, a taksama viełamaršruty vakoł Cnianskaha vadaschovišča;
- pierśpiektyŭnuju mahistralnuju vieładarožku ŭzdoŭž Ślapianskaj vodnaj sistemy.
Kompleks «Paŭnočny bierah» raźmieščany pamiž dźviuma najbujniejšymi pryrodnymi zonami Minska — Drazdami i Cniankaj.
U vyniku źjavicca bieśpierapynny viełasipiedny maršrut, jaki złučyć:
Minskaje mora — Drazdy — «Paŭnočny bierah» — park Družby narodaŭ — Nacyjanalnuju biblijateku — Ślapianskuju vodnuju sistemu — Čyžoŭskaje vadaschovišča.
Prajekt praduhledžvaje stvareńnie paŭnavartasnaj haradskoj rovarnaj sietki: viełamaršrutaŭ u isnujučaj i prajektavanaj častkach «ŁejkSajd Parka», vydzielenych vieładarožak uzdoŭž haradskich vulic kompleksu «Paŭnočny bierah», unutrykvartalnych viełabulvaraŭ, viełaparkovak i viełaboksaŭ.
Paśla zaviaršeńnia budaŭnictva tut źjavicca kala 20 tysiač viełamiescaŭ u sučasnych viełaboksach i bolš za 24 kiłamietry unutrykvartalnych viełamaršrutaŭ.
Kancepcyja raźvićcia terytoryi praduhledžvaje zachavańnie isnujučych pryrodnych łandšaftaŭ, stvareńnie zialonych kalidoraŭ, liniejnych parkaŭ i bulvaraŭ, a taksama praciah užo isnujučych rekreacyjnych viełamaršrutaŭ praz novuju haradskuju prastoru.
Prajekt budzie realizavany ŭ dva etapy.
Ciapier čytajuć
«Lipa va ŭsich sensach». Voś jak buduć vyhladać drevy ŭ vazonach na hałoŭnym minskim praśpiekcie. Błohiery atrymali zadańnie imi zachaplacca16
Kamientary