«Fortku adkryć niemahčyma, ahłuchnieš ad krykaŭ»: u Hrodna znoŭ viarnulisia čajki
Ptuški akupavali adzin z žyłych rajonaŭ.
Čajki — daŭniaja prablema niekatorych žycharoŭ šmatpaviarchovak u Hrodnie. Dachi damoŭ u jakaści zručnaha miesca dla hniozdaŭ hetyja ptuški ablubavali niekalki hadoŭ tamu. Usio b ničoha: u horadzie šmat inšych vidaŭ, jakija ŭžyvajucca z čałaviekam. Ale čajki adroźnivajucca vielmi hučnymi i praniźlivymi krykami, piša Newgrodno.by.
«Choć kvateru pradavaj. Ni ŭviečary, ni ŭnačy fortku adkryć niemahčyma. Litaralna hłuchnieš ad krykaŭ. Viadoma, pra spakojny son i havorki niama», — padzialiŭsia adzin z žycharoŭ.
I takaja karcina, kali jany zastanucca tut žyć, budzie da kanca ciopłaha siezona, upeŭnieny čytač.
Čamu nielha prosta prahnać ptušak
Adznačym, što ŭ Biełarusi z 16 lutaha dziejničaje zabarona na razbureńnie ptušynych hniozdaŭ.
Parušalnikam pahražajuć surjoznyja štrafy:
- zvyčajnym ludziam — da 30 bazavych vieličyń,
- indyvidualnym pradprymalnikam — ad 10 da 100,
- kampanijam — ad 20 da 500 BV.
Tak što, kali čajki ŭžo «zasialilisia» na dachi šmatpaviarchovak, vysielić ich lehalnymi sposabami budzie prablematyčna.
Ci mahčyma rašeńnie?
Adno z mahčymych rašeńniaŭ — zapusk pavietranaha źmieja ŭ vyhladzie drapiežnaj ptuški. Pracujuć jany biez udziełu čałavieka: dla palotu dastatkova słaboha vietru. Zrešty, pytańnie, nakolki efiektyŭnyja takija vykruty, zastajecca adkrytym.
Ciapier čytajuć
Cichanoŭski adkazaŭ Cichanoŭskaj: Čamuści nie zhadvajecca, što reabilitacyja syna adbyvałasia ŭ kvaterach i damach, jakija ja kupiŭ105
Kamientary