«Фортку адкрыць немагчыма, аглухнеш ад крыкаў»: у Гродна зноў вярнуліся чайкі
Птушкі акупавалі адзін з жылых раёнаў.
Чайкі — даўняя праблема некаторых жыхароў шматпавярховак у Гродне. Дахі дамоў у якасці зручнага месца для гнёздаў гэтыя птушкі аблюбавалі некалькі гадоў таму. Усё б нічога: у горадзе шмат іншых відаў, якія ўжываюцца з чалавекам. Але чайкі адрозніваюцца вельмі гучнымі і пранізлівымі крыкамі, піша Newgrodno.by.
«Хоць кватэру прадавай. Ні ўвечары, ні ўначы фортку адкрыць немагчыма. Літаральна глухнеш ад крыкаў. Вядома, пра спакойны сон і гаворкі няма», — падзяліўся адзін з жыхароў.
І такая карціна, калі яны застануцца тут жыць, будзе да канца цёплага сезона, упэўнены чытач.
Чаму нельга проста прагнаць птушак
Адзначым, што ў Беларусі з 16 лютага дзейнічае забарона на разбурэнне птушыных гнёздаў.
Парушальнікам пагражаюць сур'ёзныя штрафы:
- звычайным людзям — да 30 базавых велічынь,
- індывідуальным прадпрымальнікам — ад 10 да 100,
- кампаніям — ад 20 да 500 БВ.
Так што, калі чайкі ўжо «засяліліся» на дахі шматпавярховак, выселіць іх легальнымі спосабамі будзе праблематычна.
Ці магчыма рашэнне?
Адно з магчымых рашэнняў — запуск паветранага змея ў выглядзе драпежнай птушкі. Працуюць яны без удзелу чалавека: для палёту дастаткова слабога ветру. Зрэшты, пытанне, наколькі эфектыўныя такія выкруты, застаецца адкрытым.
Цяпер чытаюць
У Беларусі множацца пляцоўкі для танцаў на свежым паветры — паглядзіце, як адпальваюць разам моладзь і пенсіянеры ў Серабранцы7
Каментары