Mihrancki kryzis, arhanizavany Łukašenkam, — usio? Voś što pakazvajuć ličby
Pačynajučy z 2021 hoda mihranty aktyŭna namahalisia nielehalna trapić ź Biełarusi ŭ Jeŭrasajuz. Režym Alaksandra Łukašenki spryjaŭ hetamu, vykarystoŭvajučy mihrantaŭ dla cisku na susiednija krainy Jeŭrasajuza. A što ciapier?
Apošnimi miesiacami nazirajecca peŭnaje zacišša na miažy Biełarusi i Jeŭrasajuza. Vyhladaje, što režym pierastaŭ vykarystoŭvać nielehalnych mihrantaŭ jak elemient hibrydnych atak na susiednija krainy Jeŭropy.
Polšča
Ad pačatku sakavika było čatyry dni, kali polskija pamiežniki fiksavali sproby nielehalna trapić u krainu z boku Biełarusi — choć nadvorje, zdavałasia b, spryjalnaje. Ahułam naličyłasia kala 25 achvotnikaŭ.
Za luty było ŭsiaho piać dzion, kali polskija pahraničniki fiksavali mihrantaŭ na miažy. Ahułam było zafiksavana 49 sprob nielehalna pierasiekčy miažu z boku Biełarusi.
U toj ža čas, u lutym 2025‑ha lik išoŭ na sotni čałaviek, sproby nielehalna pierasiekčy miažu fiksavalisia amal kožny dzień.
Litva
Ad pačatku hoda litoŭskija pamiežniki zafiksavali ŭsiaho 37 sprob nielehalna trapić ź Biełarusi ŭ Litvu.
Pra toje, što situacyja ź nielehalnaj mihracyjaj z boku Biełarusi źmianiłasia, kazali i ŭ Słužbie achovy dziaržaŭnaj miažy Litoŭskaj Respubliki. U kamientary litoŭskamu vydańniu pradstaŭnik Słužby adnoj z pryčyn, čamu tak adbyvajecca, nazvaŭ adsutnaść ź biełaruskaha boku aktyŭnych dziejańniaŭ pa arhanizacyi pieravozki mihrantaŭ i ich pierasialeńnia.
Łatvija
Na łatvijskim kirunku taksama nazirajecca značnaje źnižeńnie sprob nielehalna pierasiekčy miažu ŭ paraŭnańni z anałahičnym pieryjadam minułaha hoda. Danyja za studzień nie biarom, bo hety miesiac sioleta byŭ anamalna chałodnym, što mahło paŭpłyvać na nastroi mihrantaŭ. Ale nie taki ŭžo chałodny luty i pačatak sakavika dajuć mahčymaść skłaści peŭnuju karcinu.
Za luty 2025 hoda było zafiksavana 75 sprob nielehalna pierasiekčy łatvijskuju miažu z boku Biełarusi. Usiaho było 12 dzion, kali takija sproby fiksavalisia.
U lutym 2026 hoda było ŭsiaho try takija dni i 20 čałaviek.
Za pieršyja vosiem dzion sakavika 2025 hoda nielehalna pierasiekčy łatvijskuju miažu sprabavali 23 čałavieki, a z pačatku sakavika 2026 hoda — tolki 9.
-
Pamada Maryi Kaleśnikavaj i małakaadsos Maryny Mientusavaj — top ekspanataŭ z vystavy pra zmahańnie biełarusak
-
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju
-
U Bresckaj vobłaści ŭžo pačalisia lasnyja pažary
Ciapier čytajuć
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju13
Kamientary
Hranica ad NATA dakładna na zamku? )