Alimpijski čempijon Aramnaŭ: Nam vyhadnaja praciahłaja vajna, i Vova dy Saša ŭ joj pieramohuć

U vajnie va Ukrainie Aramnaŭ staić całkam na baku Maskvy, ź jakoj całkam siabie asacyjuje. Jon havoryć:

«Nam vyhadnaja praciahłaja vajna. Z nami vajuje vielmi vialikaja kolkaść dziaržaŭ, i jany vielmi surjozna nam prajhrajuć. My vyciahvajem ź ich hrošy, jany vielmi šmat traciać. Kali my pačniem prajhravać, to bachniem pa ich paraj [jadziernych bombaŭ] i jany pierastanuć isnavać. Vova i Saša pieramohuć u Treciaj suśvietnaj, jany adzinyja, chto zmoža heta. Tak i zapišycie dla historyi maje słovy. My skončym vialikaj pieramohaj, asabliva kali pojdzie Tramp».

Pry hetym jon nie razumieje,

«čamu ŭkraincam samich siabie nie škada. Ja vielmi lublu Ukrainu, usioj dušoj i ciełam, mnie padabałasia tam adpačyvać, tam kłasnyja ludzi. Ale jany trapili ŭ supraćstajańnie ŭsiaho śvietu suprać Rasii. Daremna jany na heta pajšli. Treciaja suśvietnaja pačynajecca za košt ukraincaŭ. Tak kryŭdna i škada ludziej».

Kumiram dla jaho zastajecca i Alaksandr Łukašenka:

«Na mianie ŭ 2020 hodzie, kali byŭ bunt u Biełarusi, abrynułasia ŭsia kraina, kali ja skazaŭ, što Sašu nikomu nie pieramahčy, bo jon surjozny lidar. Bieź jaho ŭ nas była b zadnica. My pavinny malicca na Alaksandra Ryhoraviča. Bieź jaho ŭ nas było b horš, čym va Ukrainie. Łukašenka — krasaŭčyk, daj Boh jamu ščaścia. Alaksandr Ryhoravič — kruty. Nichto suprać jaho ničoha nie zrobić, nichto ź im nie paraŭnajecca».

Tym nie mienš, niahledziačy na takuju addanaść, na pracu ŭ zbornaj Biełarusi pa ciažkaj atletycy Aramnava čamuści nie zaprašajuć — i darma, bo takich admysłoŭcaŭ va ŭsim śviecie možna pieraličyć pa palcach:

«Dumaju, što znachodžusia ŭ dziasiatcy najlepšych śpiecyjalistaŭ na płaniecie Ziamla. Moža być, i ŭ top-5 ci navat u top-1. U farmakałohii razumiejuć mnohija, ale mała chto raźbirajecca ŭ technicy i bijamiechanicy, ruchach cieła. U zbornaj u nas ciapier poŭnaje haŭno, tamu što nichto nie raźbirajecca ŭ bijamiechanicy. Jany ličać, raz u ciabie ruki mocnyja, to ty pavinien chadzić ledź nie na rukach! Ja viedaju, jak karystacca ryčahami. Voś nastolki ja ambicyjny!»

Ale pakul hetaha nie zrazumieli i nie acanili — davodzicca zarablać na žyćcio kansultacyjami anłajn, i vychodzić nibyta navat niakiepska:

«Zajmajusia prafiłaktykaj traŭmaŭ i adnaŭleńniem — heta vielmi surjoznyja hrošy. Kali ŭ vas traŭma, jakaja padlahaje adnaŭleńniu, ja mahu ŭsio paraić. Hanarary zaležać ad zapuščanaści traŭmy i kolkaści sieansaŭ. 200 dalaraŭ — i ja pačnu z vami razmaŭlać. Kali vy ŭ Biełarusi, to hatovy dać kansultacyju za 50 rubloŭ abo naohuł biaspłatna».

• 2
• 9
• 17
• 51
• 5
• 0
• 9
• 0