Minskaje «Dynama» daviedałasia supiernika pa druhim raŭndzie płej-of Kubka Haharyna
Im staŭ kazanski «Ak Bars»
U składzie kazancaŭ vystupajuć dva chakieisty zbornaj Biełarusi — forvard Uładzimir Alistraŭ i abaronca Ściapan Falkoŭski.
«Dynama» ŭ pieršym raŭndzie abyhrała maskoŭskaje «Dynama» ź likam 4:0. Biełaruski kłub jašče ni razu ŭ historyi nie pieraadolvaŭ barjer druhoha raŭndu Kubka Haharyna.
U rehularnym siezonie «Dynama» vyjhrała ŭ «Ak Barsa» abodva matčy — doma ź likam 4:3, a ŭ haściach ź likam 7:3.
U rehularnym čempijanacie «barsy» zaniali treciaje miesca va Uschodniaj kanfierencyi. Heta aznačaje, što sieryja pačniecca dvuma matčami na «Minsk-Arenie». Hetyja dva matčy projduć 9 i 11 krasavika. Zatym dźvie hulni ŭ Kazani 13 i 15 krasavika. U vypadku nieabchodnaści jašče hulni ŭ Minsku adbuducca 17 i 21 krasavika.
Prodaž kvitkoŭ pačniecca siońnia, «Dynama» abviaściła, što zamarožvaje ceny. Bilety buduć pradavacca pa canie pieršaha raŭndu
Kamientary