U Minsku paśla rekanstrukcyi adkryŭsia spartkompleks «Dynama». Knižnaha kirmaša tam bolš nie budzie FOTY
Paśla dvuch hadoŭ rekanstrukcyi zapracavaŭ minski sportkompleks «Dynama», raźmieščany pa vulicy Daŭmana. Fatohraf vydańnia «Anłajnier» pabyvaŭ na miescy i pahladzieŭ, jak źmianiłasia abličča kompleksu.
Viadomy spartyŭny centr, raźmieščany na levym bierazie Śvisłačy, pamiž vulicaj Daŭmana, praśpiektam Mašerava i Kanatnym zavułkam, pabudavali jašče ŭ 1978 hodzie. Za doŭhija hady pracy kompleks sastareŭ i vidavočna mieŭ patrebu ŭ rekanstrukcyi. Viasnoj 2024 hoda jana startavała.
Jak raskazaŭ «Anłajnieru» namieśnik staršyni rady Minskaj mižterytaryjalnaj arhanizacyjnaj struktury BFST «Dynama» Valeryj Makrycki, usie raboty zavieršany jašče 30 studzienia, i ŭ załach užo trenirujucca vychavancy dynamaŭskaj spartškoły.
Pavodle słoŭ Makryckaha, u spartkompleksie jość usio dla spabornictvaŭ respublikanskaha i mižnarodnaha ŭzroŭniu. Jon dadaŭ, što va ŭniviersalnuju spartyŭnuju zału ŭžo chočuć zajechać niekalki futbolnych i mini-futbolnych kłubaŭ. Siarod ich — «Dynama», «Minsk» i «Stalica».
Nižej — lohkaatletyčny maniež z zonaj dla hulniavych vidaŭ sportu.
Zaŭziatary zmohuć raźmiaścicca na bałkonach. Stacyjanarnyja trybuny stavić tut nie płanujuć. Źviazana heta z technikaj biaśpieki.
Placoŭka dla zaniatkaŭ mastackaj himnastykaj stała vyhladać bolš sučasna. Tut užo zajmajucca dzieci.
Dobry bonus dla naviedvalnikaŭ spartkompleksu — heta skaładrom.
Barcy zmohuć treniravacca na dvuch dyvanach.
Tak ciapier vyhladaje zała dla fiechtavańnia.
A jašče ŭ spartkompleksie narešcie źjaviŭsia lift, jakoha da rekanstrukcyi nie było.
Šmat kaho cikavić, ci vierniecca paśla rekanstrukcyi ŭ «Dynama» znakamity načny knižny kirmaš. Jak patłumačyŭ Valeryj Makrycki, padobnych mierapryjemstvaŭ, jak i vystaŭ svojskich žyvioł, u spartkompleksie bolš nie budzie. Abjekt zadziejničajuć vyklučna dla sportu.
Ciapier čytajuć
Cichanoŭski: Cichanoŭskaj možna było ŭ 2020‑m nie pabajacca turmy. I, moža, u biełarusaŭ byŭ by šaniec117
Kamientary