Biełaruska Alaksandra Borcič, jakaja zdymajecca ŭ Rasii, źmianiła akciorskuju prafiesiju
Zorka rasijskaha kino i ŭradženka Śvietłahorska Alaksandra Borcič abviaściła pra pavarot u svajoj karjery. Pakul u zdymkach nastupiła paŭza, aktrysa vyrašyła nie hublać času. Ciapier jaje možna sustreć nie na ekranie, a ŭ načnych kłubach.
Pra svajo novaje zachapleńnie Borcič raspaviała žurnalistam. Aktrysa pryznałasia, što ciapier u jaje akciorskim hrafiku źjaviŭsia volny čas, jaki jana vyrašyła zapoŭnić muzykaj.
Ideja stać dydžejem pieraśledavała Alaksandru daŭno, ale ščylny hrafik zdymak nie dazvalaŭ surjozna zaniacca navučańniem. Mahčymaść źjaviłasia letam 2025 hoda, a debiut adbyŭsia ŭ davoli niezvyčajnym miescy — na adkryćci abnoŭlenaha bufieta ŭ Teatry na Bronnaj, dzie jana słužyć.
Zaraz Borcič aktyŭna hastraluje pa roznych haradach u novaj roli. Niahledziačy na toje, što aktrysa davoli krytyčna stavicca da svaich muzyčnych pośpiechaŭ, publika prymaje jaje vielmi ciopła.
«U mianie źjaviŭsia dydžeinh, jon mnie vielmi padabajecca. Ciapier jość čas, jezdžu pa roznych haradach. Heta kłasna. Ludzi vielmi radyja, što ja da ich pryjechała, a ja radaja dla ich vystupać, i ŭ nas zaŭsiody zdarajecca ŭzajemnaje kachańnie», — skazała aktrysa.
Alaksandra pryznaje, što pakul jaje navyki za pultam dalokija ad daskanałaści i atrymlivajecca, pavodle jaje słoŭ, «nie vielmi». Adnak jana ŭparta pracuje nad saboj i atrymlivaje asałodu ad pracesu.
Pry hetym Borcič padkreśliła, što nie źbirajecca całkam sychodzić z prafiesii. Dydžeinh dla jaje — heta sposab pierazahruzicca i pasprabavać niešta novaje, pakul u kinaindustryi dla jaje niama pryvabnych prapanoŭ abo napružanych prajektaŭ.
Alaksandra Bocič nie raz stanaviłasia abjektam uvahi ŚMI nie tolki praz roli, ale i praz svaju pazicyju. U 2020‑m Borcič padtrymała biełaruski pratest, a ŭ 2022‑m asudziła vajnu. Ukrainski sajt «Miratvorac» za ŭdzieł u rasijskim filmie «Vikinh» uklučyŭ jaje ŭ svoj śpis ludziej, jakich ličać pahrozaj nacyjanalnaj biaśpiecy.
Alaksandra Borcič naradziłasia ŭ Śvietłahorsku. Paśla razvodu baćkoŭ pierajechała ŭ Hrodna, dzie jaje vychoŭvała babula da 10 hadoŭ. U toj čas maci Alaksandry žyła ŭ Maskvie, paśla jana zabrała dačku da siabie.
Borcič lubić Hrodna i čas ad času pryjazdžaje, kab sustrakacca z babulaj i siabrami.
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary
Tady ja nie viedaŭ, što jana našaja suajčyńnica.
Zaraz viedaju i zrazumieŭ pra ruskaje kino bolš.