Vyjšła na svabodu palitźniavolenaja Volha Čukarava, jakaja ŭ źniavoleńni amal aślepła
U jaje zdaryŭsia insult, i jana amal aślepła, pierasoŭvałasia navobmacak.
50‑hadovaja Volha Čukarava była zatrymanaja 11 listapada 2024 hoda. Jaje abvinavacili pa niekalkich artykułach Kryminalnaha kodeksa, u tym liku za zakliki da dziejańniaŭ suprać nacyjanalnaj biaśpieki, abrazu pradstaŭnika ŭłady i Łukašenki, a taksama za ŭdzieł u «ekstremisckim farmavańni».
3 kastryčnika 2025 hoda Minski haradski sud pryznaŭ jaje vinavataj i prysudziŭ da 4 hadoŭ pazbaŭleńnia voli ŭ kałonii ahulnaha režymu. U toj ža čas jaje ŭnieśli ŭ śpisy asob, źviazanych z ekstremisckaj dziejnaściu, a krychu paźniej — i ŭ tak zvany «śpis terarystaŭ», što aznačała, u tym liku, zabaronu na hrašovuju dapamohu padčas źniavoleńnia.
Padčas znachodžańnia ŭ SIZA stan zdaroŭja Volhi rezka pahoršyŭsia. Na fonie mocnaha stresu jana pieražyła insult, u vyniku jakoha amal całkam straciła zrok. Niahledziačy na ciažki stan, jana praciahvała zastavacca ŭ źniavoleńni.
Pavodle śviedčańnia byłoj palitźniavolenaj Maryny Zołatavaj, Volha pavodziła siabie stojka i nie skardziłasia, navat kali ŭ jaje byŭ vielmi vysoki cisk. Jana imknułasia adaptavacca da žyćcia biez zroku — vučyłasia samastojna pierasoŭvacca navobmacak. Jaje niekatory čas utrymlivali ŭ atradzie, paśla čaho pieraviali ŭ sančastku i vazili na miedycynskija abśledavańni. Pavodle nieaficyjnaj infarmacyi, u jaje mahli vyjavić i inšyja surjoznyja zachvorvańni.
Situacyja ŭskładniałasia i siamiejnymi abstavinami: u Volhi jość dačka-padletak, jakaja žyvie ŭ internacie, syn znachodzicca ŭ vojsku, a maci — invalid pieršaj hrupy, prykavanaja da łožka.
U sakaviku 2026 hoda Volhu etapavali z kałonii ŭ śledčy izalatar, paśla čaho źjaviłasia infarmacyja pra jaje vyzvaleńnie 29 sakavika. Adnak dakładna nieviadoma, ci było heta pamiłavańnie, ci vyzvaleńnie pa stanie zdaroŭja.
«Joj kazali: «Vy prydurvajeciesia?» Zołatava raskazała pra palitźniavolenuju Volhu Čukaravu ź insultam, što aślepła ŭ kałonii
Vyzvaleny palitviazień Mikita Jemialjanaŭ — u svaje 26 hadoŭ daviedzieny da vielmi ciažkaha stanu zdaroŭja
Sieviaryniec: My nie pavinny być ružovymi poni i kazać, što my budziem hładzić pa hałavie tych samych kadebistaŭ albo śpiecnazaŭcaŭ, jakija bjuć ludziej
Ciapier čytajuć
Milicyja zatrymała taho samaha rasijskaha turysta, jaki kinuŭ niedakurak na vulicy. Zaŭtra sud21
Kamientary