Dva kienty na Savieckaj u Breście ŭ kiepkach z ČZ padpiavali pad pieśniu «Žukoŭ». I mieli nieaściarožnaść zapościć heta ŭ treds
Kamient, u jakim im zyčać «saviet dy luboŭ!», sabraŭ bolš za 500 łajkaŭ.
Dva maładyja čałavieki ŭ ciomnych kurtkach 1 maja padpiavali pieśniam na piešachodnaj Savieckaj vulicy Bresta. Adzin ź ich, Viačasłaŭ Siščuk, zapościŭ videa hetaha ŭ svoj treds. I jon, i jaho spadarožnik byli ŭ adnolkavych čornych biejsbołkach z čyrvona-zialonym ściaham.
Ich pavodziny ŭsprymalisia dvuchsensoŭna ŭ spałučeńni z rasijskaj papsoj, pad jakuju jany ruchalisia — pieśniaj «Batarejka» hurtu «Žuki»:
I vrodie vsio kak vsiehda,
Vsio tie žie čaški-łožki,
Vsio ta žie v kranie voda,
Vsio tot žie stuł biez nožki…
Ja toskovał po tiebie
V minuty rasstavańja,
Ty vozvraŝałaś ko mnie
Skvoź sny i rasstojańja…
U vyniku post vyklikaŭ virusnuju reakcyju, ale nie takuju, na jakuju raźličvaŭ Viačasłaŭ Siščuk — a jon supravadziŭ svaje pieršamajskija pasty teham «#chočuvriek».
Videa sabrała sotni padabajek pad asudžalnymi kamientarami.
Najbolš łajkaŭ na hety momant sabrała iraničnaje: «U vas pryhožy chłopiec, i vy razam dobra hladziciesia. Saviet dy luboŭ vam!»
Na druhim miescy nie mienš źjedlivaje «Jakija cudoŭnyja tvary! Nie źniaviečanyja piačatkaj intelektu! A hetyja cudoŭnyja vočy zdochłaj ryby! Saviet vam dy luboŭ!»
Inšyja ludzi nazyvajuć ich «salavymi harbačami». Pišuć: «Heta što za pienicylin?» A taksama: «Toj momant, kali spadziaješsia, što heta ŠI».
«Naciahnuli na hałavu hety kałchoz jany, a soramna mnie», — padsumoŭvaje jašče adzin kamientatar.
Luboje publičnaje vykanańnie piesień u Biełarusi ciapier stroha rehłamientujecca. U «čornych śpisach» — sotni vykanaŭcaŭ, u tym liku ŭsie zorki niezaležnaj biełaruskaj muzyki, praktyčna ŭsie sučasnyja ŭkrainskija śpievaki i ŭsie rasijskija vykanaŭcy, jakija vystupili suprać vajny. U toj ža čas nizkaprobnaj muzycy vykanaŭcaŭ, łajalnych da ŭładaŭ, usiudy daroha. A dziaržaŭnaja simvolika stała ŭsprymacca jak simvał masavych represij i prynižeńnia ludziej siłavikami paśla 2020 hoda.
«Naša Niva» — bastyjon biełaruščyny
PADTRYMAĆPasadzili advakata Dźmitryja Łajeŭskaha, jaki abaraniaŭ Babaryku i Znaka10
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam51
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki4646
Kamientary