Два кенты на Савецкай у Брэсце ў кепках з ЧЗ падпявалі пад песню «Жукоў». І мелі неасцярожнасць запосціць гэта ў трэдс
Камент, у якім ім зычаць «савет ды любоў!», сабраў больш за 500 лайкаў.
Два маладыя чалавекі ў цёмных куртках 1 мая падпявалі песням на пешаходнай Савецкай вуліцы Брэста. Адзін з іх, Вячаслаў Сішчук, запосціў відэа гэтага ў свой трэдс. І ён, і яго спадарожнік былі ў аднолькавых чорных бейсболках з чырвона-зялёным сцягам.
Іх паводзіны ўспрымаліся двухсэнсоўна ў спалучэнні з расійскай папсой, пад якую яны рухаліся — песняй «Батарэйка» гурту «Жукі»:
И вроде всё как всегда,
Всё те же чашки-ложки,
Всё та же в кране вода,
Всё тот же стул без ножки…
Я тосковал по тебе
В минуты расставанья,
Ты возвращалась ко мне
Сквозь сны и расстоянья…
У выніку пост выклікаў вірусную рэакцыю, але не такую, на якую разлічваў Вячаслаў Сішчук — а ён суправадзіў свае першамайскія пасты тэгам «#хочуврек».
Відэа сабрала сотні падабаек пад асуджальнымі каментарамі.
Найбольш лайкаў на гэты момант сабрала іранічнае: «У вас прыгожы хлопец, і вы разам добра глядзіцеся. Савет ды любоў вам!»
На другім месцы не менш з'едлівае «Якія цудоўныя твары! Не знявечаныя пячаткай інтэлекту! А гэтыя цудоўныя вочы здохлай рыбы! Савет вам ды любоў!»
Іншыя людзі называюць іх «салявымі гарбачамі». Пішуць: «Гэта што за пеніцылін?» А таксама: «Той момант, калі спадзяешся, што гэта ШІ».
«Нацягнулі на галаву гэты калхоз яны, а сорамна мне», — падсумоўвае яшчэ адзін каментатар.
Любое публічнае выкананне песень у Беларусі цяпер строга рэгламентуецца. У «чорных спісах» — сотні выканаўцаў, у тым ліку ўсе зоркі незалежнай беларускай музыкі, практычна ўсе сучасныя ўкраінскія спевакі і ўсе расійскія выканаўцы, якія выступілі супраць вайны. У той жа час нізкапробнай музыцы выканаўцаў, лаяльных да ўладаў, усюды дарога. А дзяржаўная сімволіка стала ўспрымацца як сімвал масавых рэпрэсій і прыніжэння людзей сілавікамі пасля 2020 года.
«Наша Нiва» — бастыён беларушчыны
ПАДТРЫМАЦЬ35 маладых беларусаў і беларусак, за якімі варта сачыць: апублікаваны першы спіс Next 3532
Каментары